«Տիտան» սարքը ստացել է նոր լուսանկարներ «Տիտանիկի» խորտակման վայրից
Բազմաթիվ փորձերից եւ փորձարկումներից հետո OceanGate ընկերության «Տիտան» մոչ սերնդի խորը ստորջրյա սարքն առաջին անգամ խորասուզվել է լեգենդար նավի կործանման վայր եւ արդեն ստացել հայտնի նավի նոր լուսանկարները, որը գտնվում է Հյուսիսային Ատլանտիկայում շուրջ չորս կիլոմետր խորության տակ, գրում է Planet Today-ը:
OceanGate-ի առաջին լուսանկարներում պատկերված է վիտրաժի շրջանակն ու գետնի սալիկի մասերը: Ստորջրյա սարքը նաեւ ֆիքսել է «Տիտանիկի» այլ բեկորները:
Ինչպես նշում են մասնագետները, այդպիսի արշավախմբերը նախատեսվում է անցկացնել ամեն տարի, որպեսզի գրանցվի նավերի քայքայման արագությունը, ուսումնասիրվի արհեստական խութում ձեւավորված ծովային կյանքը, ինչպես նաեւ կազմվի հայտնաբերված արտեֆակտների քարտեզը:
Օվկիանոսային եւ մթնոլորտային հետազոտությունների ազգային վարչության տվյալներով՝ Տիտանիկի կորպուսն ամբողջովին կքայքայվի 40 տարի անց: Սակայն նավի խորտակման մասին արշավախմբերի վեճերը չեն պակասում. գիտնականները պնդում են, որ այդպիսի առաքելությունները, որոնք անցկացվում են մի քանի տասնամյակ շարունակ նավի բեկորները հայտնաբերելու պահից ի վեր էլ ավելի են թուլացրել 108-ամյա կորպուսը:
Ստորջրյա սարքերի եւ խորտակված նավի միակցման հետեւանքով զգալիորեն մաշվել է զբոսանքի համար նախատեսված տախտակամածը: Բացի այդ, բազմաթիվ արտեֆակտներ, որոնք ունեն հնագիտական նշանակություն, կորել են տարատեսակ մասնավոր արշավախմբերի հետեւանքով: Սակայն մյուս կողմից առանց հետազոտական արշավախմբեր անցկացնելու հնարավոր չէ ստանալ տեղեկատվություն նավի մասին:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...