Վաղը երկնքում չափազանց տեսարժան երևույթ է դիտվելու

Վաղը՝ փետրվարի 13-ին, երկնքում չափազանց տեսարժան երևույթ է դիտվելու՝ Մերկուրին, Յուպիտերը և Վեներան հանդիպելու են։ Այս մոլորակների նման միացում վերջին անգամ տեղի է ունեցել 2015թ-ին։

Բյուրականի աստղադիտարանից հայտնում են, որ 3 մոլորակի միացումները (եռակի միացումներ), ի տարբերություն երկու մոլորակի միացումների, հազվադեպ և հետևաբար ավելի հետաքրքրական երևույթներ են:

Իսկ ի՞նչ է մոլորակների միացումը։ Մոլորակների միացում կոչվում է երկնքում երկու կամ ավելի մոլորակների իրար մոտ դիտվելը՝ որպես կանոն, մի քանի աստիճան անկյունային հեռավորության սահմաններում (հիշեցնենք, որ Լուսնի անկյունային տրամագիծն է կես աստիճան): Միացումներ են կոչվում նաև մոլորակների և Լուսնի իրար մոտ դիտվելու երևույթները: 4-7 մոլորակների դեպքում դիտվում է այսպես կոչված «մոլորակների շքերթ», ինչը շատ հազվագյուտ երևույթ է: Հակառակ դրան երկու մոլորակների միացումներ շատ հաճախ են տեղի ունենում, օրինակ՝ 1 աստիճանի սահմաններում, որպես կանոն, լինում են տարեկան 5-6 անգամ (իսկ ավելի հեռու միացումներ` շատ ավելի հաճախակի):

Սակայն իրականում Լուսինը և մոլորակները տարածության մեջ շատ հեռու են միմյանցից․ երևացող «միացումը» Երկրից դիտելիս նրանց պրոյեկտված պատկերն է միայն։ Նույնիսկ մեզ ամենամոտ մոլորակները՝ Վեներան և Մարսը, պտտվելով իրենց ուղեծրերով, իրարից հեռու են լինում առնվազն 94 մլն կմ, իսկ հիմնականում՝ շատ ավելի։

Այս թեմայով Մարզադաշտի չափ ունեցող աստերոիդ Է մոտենում Երկրին Այսօր մոլորակի բնակիչների մի մասի համար Արևի խավարման ժամանակ տեսանելի կլինեն «Արեգակի թագը» և մի քանի մոլորակներ Աստղադիտակը տարօրինակ աստղային համակարգ է հայտնաբերել Հարդագողի ճանապարհին, պարզվել է, խորհրդավոր մոլորակներ են վխտում Մարս մոլորակի եւ Լուսնի վրա կան 10-յակ կիլոմետրեր ձգվող քարանձավներ․ գիտական տեսակետ