Tesla-ի դիզայներները կզբաղվեն SpaceX-ի տիեզերանավերով

Ամերիկացի գործարար Իլոն Մասկը, ով Tesla ավտոմոբիլային ընկերության եւ SpaceX տիեզերական ընկերության հիմնադիրն է, մտադիր է ավելի խորը ինտեգրել երկու բիզնեսները միմյանց մեջ: Մասնավորապես, Tesla-ի դիզայներները կարող են սկսել աշխատել SpaceX-ի տիեզերանավերի վրա:

Ինչպես գրված է Tesla-ի իր պաշտոնական կայքում տեղադրված աշխատանքի նկարագրության մեջ, էլեկտրամոբիլներ արտադրողը դիզայներ է փնտրում, որը պետք է աշխատի մեքենաների արտաքինի վրա: Ընդ որում, հայտարարության մեջ ասվում է, որ մասնագետին կարող են վստահվել նաեւ այլ նախագծեր: Որպես օրինակ է բերվել տիեզերանավի վրա աշխատելը, հայտնում է Popmech- ը:

Թափուր աշխատատեղը ենթադրում է լրիվ դրույքով աշխատանք Tesla-ի դիզայներական ստուդիայում, որը Կալիֆոռնիա նահանգի Հոթորն քաղաքում է: Հատկանշական է, որ նույն քաղաքում է գտնվում նաեւ SpaceX տիեզերական ընկերության գլխավոր գրասենյակը, որի նախագծերի վրա նոր դիզայները, հնարավոր է, աշխատի։