Մենք չենք կարող ձեռք տալ ֆուտբոլին

Եվրոպական ֆուտբոլային ակումբների (EFC) նախագահ Նասեր Ալ-Խելայիֆին հայտարարել է World Football Clubs համաշխարհային ակումբների ասոցիացիա ստեղծելու մտադրության մասին։

«Այսօր մեր ակումբներն ավելի գլոբալ և միջազգային են, քան երբևէ, սակայն միևնույն ժամանակ շարունակում են մնալ իրենց տեղական համայնքների մասը։ Մեր ֆուտբոլիստները, մարզիչները, մրցաշարերը, երկրպագուները, սեփականատերերը, գործընկերներն ու բրենդները տեղական արմատներ ունեն, բայց գլոբալ ազդեցություն։

Հենց այդ պատճառով հիմա ճիշտ ժամանակն է ստեղծելու World Football Clubs-ը։ Աշխարհի յուրաքանչյուր ակումբ արժանի է ներկայացված լինելու, ձայն ունենալու և հաջողության հասնելու ավելի մեծ հնարավորության։

EFC-ն ավելի քան անդամակցության թվերն ու վիճակագրությունն է։ Մենք այստեղ ենք՝ ակումբներին պաշտպանելու և ֆուտբոլի զարգացմանը նպաստելու համար։ Մենք բոլորս ձգտում ենք նույն նպատակին և բոլորս այն խաղի պահապաններն ենք, որը պատկանում է նախորդ սերունդներին և նրանց, ովքեր դեռ գալու են։

Ֆուտբոլը գլխավորն է։ Մենք չենք կարող ձեռք տալ ֆուտբոլին։ Բայց մենք պետք է գործենք միասին։ Եկեք միավորվենք։ Եկեք ասենք «մենք», ոչ թե «ես»։

Մեծ ակումբները փոքր ակումբների կարիքն ունեն, իսկ փոքրերը՝ մեծերի։ Բոլոր շահագրգիռ կողմերը միմյանց կարիքն ունեն։ Ոչ մի ֆուտբոլիստ միայնակ չի կարող հաղթել 11 մրցակցի։ Գնդակն ավելի արագ է շարժվում, երբ մենք փոխանցում ենք այն։ Սա է թիմը։

Ուստի եկեք շարունակենք առաջ շարժվել։ Պաշտպանեք միմյանց, աշխատեք միասին, մի հանձնվեք։ Եվ այդ դեպքում մենք բոլորս կհասնենք մեր նպատակներին», - մեջբերում է Ալ-Խելայիֆիին EFC-ն։

Լրագրող Բեն Ջեյքոբսը հայտնել է, որ ասոցիացիայի որոշ մասնակիցներ World Football Clubs-ը դիտարկում են որպես ոչ պաշտոնական «վեցերորդ կոնֆեդերացիա», որը կարող է մարտահրավեր նետել ՖԻՖԱ-ի և Ջաննի Ինֆանտինոյի ազդեցությանը։