Աշխարհի ամենահարուստ մարդն իր կարողությունն ավելացրել է մինչեւ 172 միլիարդ դոլար

Աշխարհի ամենահարուստ մարդը՝ Amazon-ի ղեկավար Ջեֆ Բեզոսը, իր կարողությունն ավելացրել է մինչեւ 172 միլիարդ դոլար, վկայում են Bloomberg Billionaires Index-ի վարկանիշի տվյալները:

Ինչպես նշում է գործակալությունը, սա ռեկորդային ցուցանիշ է գործարարի համար: Նախորդ 167,7 միլիարդ դոլար առավելագույնը, ըստ վարկանիշի, սահմանվել է 2018 թվականի սեպտեմբերի 4-ին:

Բեզոսի կարողության աճը պայմանավորված է Amazon-ի բաժնետոմսերի աճով՝ չորեքշաբթի, հուլիսի 1-ին, այն բարձրացել է 4,4%-ով` հասնելով ռեկորդային 2,878,7 դոլարի մեկ հատի համար: Բեզոսին է պատկանում ռեթայլերի 11% բաժնեմասը, միայն տարեսկզբից նա հարստացել է 56,7 միլիարդ դոլարով, հայտնում է РБК-ն

Գործակալության տվյալներով՝ սա ընդգծում է «Մեծ դեպրեսիայի օրվանից տնտեսական վատագույն անկման ժամանակ Միացյալ Նահանգներում մարդկանց բարեկեցության մեջ աճող միջակայքը»: Amazon-ում հիմնադրի կարողության փոփոխությունները հրաժարվել են մեկնաբանել:

Մայիսի կեսին Comparisun ընկերության փորձագետները հավանական են համարել, որ Բեզոսը 2026 թվականին կարող է դառնալ ավելի քան մեկ տրիլիոն դոլար կարողությամբ առաջին մարդը: Վերլուծաբանները նշում են, որ անցած հինգ տարիների ընթացքում Amazon-ի ղեկավարի ունեցվածքի գանահատուումը տարեկան աճել է միջինը 34%-ով: