Փաշինյանի այս «անտիհերքումային» գործելաոճը պայմանավորված է նրա վախերով եւ սարսափներով. Գագիկ Համբարյան
Փաշինյանի անհավասարակշիռ եւ թեմայից թեմա թռնող ելույթը ապացուցում է, որ Հայաստանի վարչապետը սարսափելի վիճակում է...Նա չգիտի ինպես հակագրոհել կամ հերքել այն խայտառակ փաստերը, որոնք վերջին շրջանում տարածվում են իր եւ իր շրջապատի մասին։ Այս մասին Facebook-ի իր էջում գրել է քաղաքագետ Գագիկ Համբարյանը։
Նա, մասնավորապես, գրել է
«Փաշինյանը չի հերքելու, որովհետեւ սարսափում է
Հայաստանի վարչապետ Նիկոլ Փաշինյանը քիչ առաջ, իբրեւ թե կորոնավիրուսի համաճարակի դեմ պայքարի շրջանակներում, ուղիղ եթեր էր մտել, բայց իրականում նրա գլխավոր մեսիջը այն էր, որ այսուհետ չի հերքելու իր, իր ընտանիքի եւ մերձակա շրջապատի մասին տարածվող բազմաթիվ լուրերը, որոնք շատ դեպքերում հանցագործություններ եւ անօրինականություններ են...
Փաշինյանի անհավասարակշիռ եւ թեմայից թեմա թռնող ելույթը ապացուցում է, որ Հայաստանի վարչապետը սարսափելի վիճակում է...Նա չգիտի ինպես հակագրոհել կամ հերքել այն խայտառակ փաստերը, որոնք վերջին շրջանում տարածվում են իր եւ իր շրջապատի մասին...
Նիկոլը, ով ընդամենը ամիսներ առաջ հատուկ ուղիղ եթեր էր մտնում եւ հերքում էր ինչ-որ կեղծ օգտատիրոջ կողմից արված գրառումը, որ Աննա Հակոբյանի համար շատ թանկ մեքենա է գնվել, հիմա պարզվում է արհամարհած ունի այն, որ իրեն եւ իր ընտանիքի անդամներին բազմաթիվ ԶԼՄ-ներ եւ անձինք մեղադրում են մաքսանենգ ճանապարհով ՌԴ ծխախոտ արտահանելու, մեծ ծավալով ադամանդ ու ոսկի վաճառելու, ԽԾԲ-ի շրջանակում պաշտոններ բաժանելու, նախկինների հանցանքները թաքցնելու համար նրանցից գումար պահանջելու, ինչպես նաեւ այլ ապօրինությունների եւ հանցագործությունների մեջ...
Փաշինյանի այս «անտիհերքումային» գործելաոճը պայմանավորված է նրա վախերով եւ սարսափներով...
Բազմաթիվ կեղծ եւ սուտ տեղեկություններ տարածող Նիկոլի համար խնդիր չէր այս լուրերը եւս կեղծ հայտարարելը եւ իր մոլի երկրպագուներին համոզելը, որ նա եւ իր շրջապատն անմեղ են...Սակայն ոսկու, ադամանդի եւ ծխախոտի հետ կապված սկանդալները հերքելուց կարող են դրանց ապացույցները ջրի երես դուրս գալ, որն էլ ավելի կծանրացնի Փաշինյանի եւ նրա շրջապատի վիճակը... Ապացույցների ջրի երես դուրս գալը նաեւ կապացուցի, որ Երեւանի եւ Մոսկվայի միջեւ հարաբերությունները ծայրահեղ լարված են, որը Փաշինյանը չի ցանկանում դե-յուրե փաստել...
Իսկ այսպես, չհերքելով իր մաքսանենգ լինելու եւ ապօրինի գործունեություն ծավալելու մասին բազմաթիվ լրատվամիջոցների եւ անհատների տարածած լուրերը, Փաշինյանը հույս ունի, որ հասարակության այն հատվածը , որն իրեն է երկրպագում կշարունակի առաջ տանել իշխանական կեղծ օգտատերերի կողմից տարածվող անտրամաբանական եւ հիմար թեզը, թե այդ ամենի հետեւում կանգնած են նախկինները, ովքեր փորձում են վնասել "մեր Նիկոլին"...
Փաշինյանը իշխանությունն ամեն գնով պահելու եւ իրեն վերագրվող հանցագործությունները չբացահայտելու համար պատրաստ է Հայաստանը հռչակել "բառդակ" եւ անօրեն երկիր, որտեղ իր թշնամիներն ինչ ուզում անում են, իսկ ինքն էլ ոչինչ է...
Հ.Գ. Փաշինյանը չպատասխանելով իրեն ուղղված մեղադրանքներին՝ ժամանակ է փորձում շահել, որին հակառակ կողմը կամ կողմերը համապատասխանորեն կարձագանքեն...»։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան