ԱՄՆ Սենատի ընդունած թերեւս ամենահայանպաստ բանաձեւը

1991 թվականի այս օրն ԱՄՆ Սենատն ընդունեց թերեւս ամենահայանպաստ բանաձեւը: Այս մասին Facebook-ի իր էջում գրել է ամերիկագետ Սուրեն Սարգսյանը:

Նա, մասնավորապես, նշել է. «S.Res.128» բանաձեւը, դատապարտում է բռնությունը Հայաստանում, իսկ բանաձեւի տեքստում մասնավորապես ասվում է․

«Մինչդեռ Խորհրդային Միության եւ Ադրբեջանի Հանրապետության կառավարությունները կտրուկ ակտիվացրել են իրենց հարձակումները հայ քաղաքացիական բնակչության դեմ՝ Լեռնային Ղարաբաղում, Ադրբեջանում, ինչպես նաեւ հենց Հայաստանում;

Մինչդեռ Խորհրդային Միության կառավարությունը մերժել է Հայաստանի խնդրանքը գումարել Խորհրդային Սոցիալիստական Հանրապետությունների Գերագույն Խորհրդի հատուկ նիստ՝ Լեռնային Ղարաբաղի ճգնաժամը լուծելու համար;

Մինչդեռ Սովետական եւ Ադրբեջանական զինված ուժերը ոչնչացրել են հայկական գյուղերը եւ հայաթափել են հայկական տարածքները Լեռնային Ղարաբաղի եւ նրա շրջակայքում` միջազգային իրավունքի խախտմամբ,

Մինչդեռ զինված խմբավորումները սպառնում են Հայաստանի, Լեռնային Ղարաբաղի եւ Ադրբեջանի կայունությանն ու խաղաղությունը,

Սենատը՝

(1) դատապարտում է հարձակումները անմեղ երեխաների, կանանց եւ տղամարդկանց վրա Լեռնային Ղարաբաղի, Հայաստանի եւ դրանց շրջակա հայկական տարածքներում եւ համայնքներում.

(2) դատապարտում է ուժի կիրառումը, ներառյալ քաղաքացիական տարածքների հրետակոծումը Հայաստանի արեւելյան եւ հարավային սահմաններում.

(3) կոչ է անում վերջ տալ շրջափակումներին եւ ուժի այլ կիրառություններին եւ ահաբեկմանը՝ ուղղված Հայաստանի եւ Լեռնային Ղարաբաղի դեմ եւ կոչ է անում դուրս բերել ահաբեկման նպատակով վերջերս տեղակայված խորհրդային ուժերը.

(4) կոչ է անում երկխոսություն սկսել ներգրավված բոլոր կողմերի միջեւ՝ որպես միակ ընդունելի հակամարտության տեւական լուծման հասնելու ուղի.

(5) վերահաստատում է Միացյալ Նահանգների հանձնառությունը՝ հաջողության հասնելու հարցում ժողովրդավարություն եւ ինքնորոշում Խորհրդային Միությունում եւ դրա բազմազանությունը հանրապետություններ՝ արտահայտելով իր խորը մտահոգությունը սովետական ցանկացած գործողությունների վերաբերյալ, որոնք ահաբեկում կամ այլ լծակներ են կիրառում այն հանրապետությունների եւ շրջանների դեմ, որոնք որոշել են կյանքի կոչել իրենց քաղաքական նպատակները: