Վտանգի են ենթարկում մեր երեխաների հոգեկերտվածքը. Տեր Նշան քահանա Ալավերդյան

Իբրև հայ հոգևորական, բարեպաշտ քրիստոնյա, ՀՀ քաղաքացի, իբրև մարդ և հայր՝ միանում եմ այն բոլոր մարդկանց կոչերին, ովքեր դատապատում են և կոչ են անում վերանայել մեր երեխաներին պղծություն քարոզող այն օրինագիծը, որը քանդում է թե՛ ազգի, թե՛ եկեղեցու հիմքը, որն է ընտանիքը: Այս մասին ֆեյսբուքյան էջի ուղիղ եթերում հայտարարեց Տեր Նշան քահանա Ալավերդյանը՝ անդրադառնալով սեռական շահագործումից և սեռական բնույթի բռնություններից երեխաների պաշտպանության մասին Եվրոպայի խորհրդի կոնվենցիային:

«Մեր՝ քրիստոնյա բնակչության կողմից հայտարարում ենք, որ մենք չենք մասնակցում Աստծո դեմ ձեր ապստամբությանը և չենք միանում ձեր ոգևորությանը՝ համաշխարհային Բաբելոնի կառուցման՝ ձեր քարը դնելու շտապողականությանը: Կոչ ենք անում ձեզ՝ իբրև մեր ազգի՝ այս պահի ընտրյալ ներկայացուցիչներ, լսել ձեր իսկ քաղաքացիներին, մեր պետության ու ազգի, հայրերի ու մայրերի՝ ապագայով մտահոգված կոչը, և ձեզ վրա հավիտենապես ոչ միայն սերունդների, այլև Աստծո անեծքի խարանը չկրելու կոչը լսել»,- հավելեց քահանան:

Մանրամասն` տեսանյութում: