ՌԴ ՊՆ-ն ոչնչացրել է «Իսլամական պետության» առաջնորդ ալ-Բաղդադիին (տեսանյութ)

Սիրիայում, Ռաքքայի հարավում ոչնչացվել է «Իսլամական պետություն» ահաբեկչական խմբավորման առաջնորդ Իբրահիմ Աբու-Բաքր ալ-Բաղդադին: Նա մասնակցում էր ահաբեկչական խմբավորման առաջնորդների հետ նիստին, որոնք քննարկում էին զինյալների հեռացումը Ռաքքայից, այսպես կոչված, «հարավային միջանցքով»: Զինյալների առաջնորդը գտնվում էր իրաքյան Մոսուլում, բայց կարողացավ լքել քաղաքը մինչ իրաքյան բանակի գրոհը:
Հետախույզ թռչող սարքի տվյալների հիման վրա ռուսական «Су-35» և «Су-34» ինքնաթիռները հարվածներ են հասցրել ահաբեկիչների պարագլուխների տեղակայման վայրի ուղղությամբ Ռաքքայում: Նշվում է կրակի տակ են հայտնվել ոչ միայն բարձրագույն հրամանատարությունը, այլև միջին օղակների մոտ 30 դաշտային հրամանատար և նրանց թիկնազորի մինչ 300 զինյալ: Ոչնչացվածների թվում է նաև Ռաքքայի էմիրը և «Իսլամական պետության» անվտանգության ծառայության պետը:
Հարվածը հասցվել է 2017 թվականի մայիսի 28-ին, բայց հայտարարությունը տարածվել է այսօր՝ տվյալները ճշտելուց հետո: Վաշինգթոնը նախօրոք տեղեկացվել էր ռուսաստանյան ռազմատիեզերական ուժերի հարվածի մասին:

Մանրամասները՝ «Вести.ru»-ի տեսանյութում: