ՌԴ-ում «օրենքով գող» Արմեն Հարությունյանի հանցախմբին ցմահ բանտարկություն է սպառնում

Դատախազ Սվետլանա Նեկոզը Կրասնոդարի երկրամասում դատական գործընթացի ժամանակ ցմահ պատժաժամկետ է խնդրել Կրասնոդարի երկրամասում Արմեն Հարությունյանի (Արմեն Կանեւսկոյ) հանցախմբի չորս անդամներից երկուսի նկատմամբ, փոխանցում է «Ինտերֆաքս»-ը։

«Հիմնվելով ատենակալների մեղադրական վճռի վրա, հաշվի առնլով հանցագործությունների ծանրությունը՝ պետական մեղադրողը կարծում է, որ Օլեգ Վանչենկոն, Էրնեստ Լալաբեկովը, Մանուկ Թորոսյանը եւ Ալեքսանդր Ժիգալկոն կարող են ուղղվել միայն հասարակությունից երկարատեւ մեկուսացվելու պարագայում», -հայտարարել է Ս. Նեկոզը։

Յուրաքանչյուրի դերի հետ կապված՝ պետական մեղադրողը մեղադրյալների գործողությունները որակավորում է որպես բանդիտիզմ (ՌԴ քրեական օրենսգրքի 209-րդ հոդված), շորթում, որն իրագործվել է կազմակերպված հանցախմբի կողմից, ինչի հետեւանքով ծանր վնաս է հասցվել տուժողի առողջությանը (ՌԴ քրեական օրենսգրքի 163-րդ հոդված), երկու եւ ավելի անձանց սպանություն (ՌԴ քրեական օրենսգրքի 105-րդ հոդված), զենք ու զինամթրեքի ապօրինի շրջանառություն (ՌԴ քրեական օրենսգրքի 222-րդ հոդված)։

Դատախազը դատարանին խնդրել է Օ. Վանչենկոյին ցմահ ազատազրկման դատապարտել հատուկ ռեժիմի գաղութում, որից հինգ տարին՝ բանտում։ Է. Լալաբեկովի նկատմամբ եւս դատախազը ցմահ ազատազրկում է պահանջել հատուկ ռեժիմի գաղութում, որից առաջին 7 տարին՝ բանտում։

Մ. Թորոսյանին ու Ա. Ժիգալկոյին բանդիտիզմի եւ սպանություններին մասնակցության համար մեղադրող կողմը խնդրել է դատապարտել համապատասխանաբար 13 եւ 11 տարվա բանտարկության՝ խիստ ռեժիմի գաղութում։

Փաստաբանները հերքել են Օ. Վանչենկոյի եւ Է. Լալաբեկովի մեղքը եւ դատարանին խնդրել քրեական գործը հանձնել ատենակալների այլ կազմի քննությանը։ Դատապարտյալները հրաժարվել են որւեէ բան ասել հօգուտ իրենց պաշտպանության։

Ա. Հարությույանի հանցախումբը 1990-ականներից գործել է Կրասնոդարի երկրամասի տարածքում։

Մեղադրող կողմի համաձայն՝ 2006 թվականի սեպտեմբերին Արմեն Կանեւսկոյն իր հովանավորությունն է առաջարկել «Նովոկուբանսկոյե» կոնյակի գործարանի տնօրեն Սուրեն Եղիազարովին՝ պահանջելով ամսական իրեն վճարել 30 հազար դոլար։ Գործարարը մեկ անգամ վճարելուց հետո հրաժարվել է վճարել։

2007 թվականի հունվարի 30-ին Կուբանում ՝ «Ույուտ» սրճարանում Ս. Եղիազարովին եւ նրան ուղեկցող երկու սպորտսմեններին հանցախմբի մասնակիցները հրացանով ու ատրճանակով գնդակահարել են, իսկ սպանվածների մարմինները՝ թաքցրել։

Երբ քննիչները բռնել են եռակի սպանության մասնակիցներց, «Ույուտ» սրճարանի սեփականտեր Սերգեյ Խաչատուրյանի հետքը, վախենալով հետեւանքներից՝ «Արմեն Կանեւսկոյը» հրամայել է նրան եւս սպանել։ Վերջինի մարմինը՝ գլխին ստացված հրազենային վնասվածքներով, հայտնաբերվել է 2015 թվականին։

2010 թվականին «Արմեն Կանեւսկոյը» դատապարտվել է մեկ այլ ծանր հացագործության համար։ Նույն թվականի դեկտեմբերին Աստրախանի գաղութի հիվանդանոցում նա մահացել է։

NEWS.am