Աշխարհի ամենահարուստ մարդը մեկ օրում հարստացել է 6,4 մլրդ դոլարով

 Հեղինակավոր Forbes հանդեսի տվյալներով՝ աշխարհի ամենահարուստ մարդը՝ Amazon ինտերնետ-ընկերության հիմնադիր ղեկավար Ջեֆ Բեզոսը, մեկ օրվա ընթացքում իր ահռելի կարողությանն ավելացրել է ևս 6,4 մլրդ դոլար:

Ինչպես հայտնում է Life.ru-ն, մեկ օրում կարողության նման աճը պայմանավորված է ընկերության արժեթղթերի գնի 5.3% աճով:

Հայտնի է, որ այժմ Բեզոսի կարողությունը կազմում է 138 մլրդ դոլար: Բեզոսն Amazon-ը հիմնադրել է 1994 թվականին:

Ավելի վաղ հայտնի էր դարձել, որ Ջեֆ Բեզոսը փետրվարին ընկերության իր բաժնեմասերը 3,4 միլիարդ դոլարով վաճառելու շնորհիվ խուսափել էր կորոնավիրուսի պատճառով ֆինանսական շուկայի փլուզման հետևանքով հսկայական կորուստներից: