Լա Մանշի ափերին տեղադրված Թերեզա Մեյի հսկայական կերպարը անպարկեշտ ժեստ է ցույց տվել Եվրոպային

Մեծ Բրիտանիայում անհայտ անձինք Դուվրի Սպիտակ ժայռերի վրա երկրի վարչապետ Թերեզա Մեյի տեսքով հսկայական պատկեր են տեղադրել, որը Եվրոպային V-աձև նշան է ցույց տալիս:

Ինչպես ներկայացնում է Lenta.ru-ն, ստվարաթղթե կերպարանքը պատկերում է բրիտանական դրոշի գույներով կիսաշրջազգեստ կրող վարչապետին, որի ձախ ձեռքի ցուցամատն ու միջնամատը վեր պարզված են` խորհրդանշելով V լատինական տառը: Մեծ Բրիտանիայում այս ժեստը վիրավորական է համարվում:

Տեղի բնակիչները նշել են, որ տեղադրման աշխատանքները մեկնարկել էին դեռևս հունիսի 2-ին և շարունակվել են 3 օր: Շինհրապարակում առնվազն 12 մարդ է աշխատել: Կերպարանքն ապամոնտաժվել է տեղադրվելուց կարճ ժամանակ անց:

Դուվրի Սպիտակ ժայռերը հնագույն ժամանակներից փարոս են հանդիսացել ծովայինների համար, որոնք խորհրդանշել են Անգլիայի ափերին մոտենալը: Այստեղ Լա Մանշ նեղուցը նեղանում է, և երկրի ու Եվրոպայի մայրցամաքային հատվածի միջև հեռավորությունը կազմում է շուրջ 40 կմ:

tert.am