Նավթի գինը ռեկորդային անկում է ապրել

Brent ապրանքանիշի նավթի բարելի գինը 2019թ․ հունվարի 3-ից հետո առաջին անգամ իջել է 55 դոլարից։ Այս մասին են վկայում լոնդոնյան ICE բորսայում վաճառքի տվյալները, հայտնում է Lenta-ն։

Brent-ի բարելի ապրիլյան ֆյուչերսի արժեքը կազմել է 54,29 դոլար։ Ամերիկյան WTI ապրանքանիշի մարտին մատակարարված նավթի բարելի գինը փետրվարի 3-ի վաճառքի ընթացքում իջել է մինչեւ 49,92 դոլար։

Նավթի արժեքն ընկնում է Չինաստանում մահացու կորոնավիրուսի տարածման եւ հումքի պահանջարկի նվազման հետ կապված մտավախությունների ֆոնին։ Բացի այդ, շուկայի մասնակիցները ղեկավարվում են ապագայում պահանջարկի նվազման սպասումներով։