Ղարաբաղը կայացած անկախ քաղաքական միավոր է, եւ սրա հետ պետք է հաշվի նստել. ՀԿ նախագահ
Ղարաբաղը կայացած անկախ քաղաքական միավոր է, եւ սրա հետ պետք է հաշվի նստել։ Այս մասին լրագրողների հետ հանդիպման ժամանակ հունվարի 31-ին ասաց «Մարդկային զարգացման կենտրոն» ՀԿ ղեկավար Թեւան Պողոսյանը՝ մեկնաբանելով Հայաստանի եւ Ադրբեջանի արտաքին գործերի նախարարների վերջին հանդիպումը։
Նրա խոսքով՝ Ղարաբաղը «բլինչիկ չի, որ գրպանիցդ հանես ու տաս ինչ-որ մեկին»՝ ավելացնելով, որ հայկական կողմը պետք է բոլոր քայլերը եւ ջանքերը գործադրի Ղարաբաղն ու ղարաբաղյան խնդիրն աշխարհին պատշաճ ներկայացնելու համար։
«Ադրբեջանում վաղուց արդեն կողմնորոշվել են իրենց դիրքորոշումների եւ գործողությունների հարցում։ Նրանք վաղուց իրենց համար որոշել են, որ խնդիրը լուծելու են ուժային ճանապարհով, իսկ բանակցությունները եւ տարբեր հանդիպումները պարզապես ժամանակ ձգելու եւ, վերջին հաշվով, իրենց նպատակներին հասնելու փորձ են»,- ասել է Պողոսյանը։
Պողոսյանի կարծիքով՝ հայկական կողմը պետք է շարունակի զարգացնել իր բանակն ու բարձրացնել նրա մարտունակությունը՝ չնայելով Բաքվի դիրքորոշմանը։
«Ժամանակն աշխատում է նրանց օգտին, ովքեր աշխատում են նրա վրա»,- ընդգծել է ՀԿ ղեկավարը՝ նշելով, որ եթե Հայաստանում եւ Ղարաբաղում չդիտարկեն երկու հանրապետությունների եւ ժողովուրդների միասնության սկզբունքը, ապա իմաստ չունի մտածել որեւէ երկարաժամկետ քաղաքականության մասին։
Միեւնույն ժամանակ, նա հիշեցրել է, որ պետությունների ղեկավարների եւ ԱԳ նախարարների հանդիպումներ եղել են ե՛ւ Ռոբերտ Քոչարյանի, ե՛ւ Սերժ Սարգսյանի օրոք։
«Հարցը հանդիպումները չեն, այլ այն, թե ինչպես կարելի է դրանից օգտվել եւ առաջ մղել սեփական շահերը»,- ասել է Պողոսյանը։
Նա նաեւ հիշեցրել է, որ փետրվարի 9-ին Ադրբեջանում տեղի են ունենալու ընտրություններ, եւ Ադրբեջանի ԱԳՆ ղեկավար Մամեդյարովը, ներքին կոշտ քաղաքական պայքարի պատճառով, ամեն կերպ ձգտում է պահել զբաղեցրած պաշտոնը, ուստի հանդես է գալիս տարբեր հայտարարություններով։
«Ղարաբաղյան խնդիրը սերունդների խնդիր է։ Նրանց մոտ այս ընթացքում փոխվել է երկու նախագահ, իսկ մեզ մոտ՝ պետության չորս ղեկավար։ Մամեդյարովը Ադրբեջանի ԱԳՆ ղեկավարի պաշտոնը զբաղեցնում է մոտ 15 տարի, այնինչ Հայաստանում փոխվել է արտաքին քաղաքական գերատեսչության չորս ղեկավար»,- նշել է Պողոսյանը։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան