Թուրքիայում ռուսաստանցիները մեծ ակտիվությամբ տներ են գնում

2019 թվականի արդյունքներով ռուսաստանցիները Թուրքիայում անշարժ գույք ձեռք բերելու աղյուսակում զբաղեցնում են պատվավոր երրորդ տեղը: Փորձագետներն այս ակտիցությունը բացատրում են Թուրքիայի օրենսդրության փոփոխությամբ, որը հեշտացնում է քաղաքացիության ձեռք բերումն անշարժ գույք գնելու դեպքում:

2018-ի համեմատ ռուսաստանցիները Թուրքիայում 26+ տոկոսով ավելի շատ տուն կամ բնակարան են գնել: 2019-ին ռուսաստանցիները Թուրքիայում գնել են 2 հազար 890 տուն, առանձնատուն կամ բնակարան: Ռուսաստանցիներն այս ցուցանիշով հետ են թողել անգամ սաուդցիներին:

Թուրքիան ամենից շատ գրավում է իրաքցիներին եւ իրանցիներին: 2019-ին Թուրքիայում անշարժ գույք է ձեռք բերել 7 հազար 600 իրաքցի եւ 5,4 հազար իրանցի:

Ընդհանուր առմամբ մեկ տարվա ընթացքում Թուրքիայում անշաչժ գույքի պահանջարկը թե տեղացիների, թե օտարերկրացիների շրջանում նվազել է 2 տոկոսով: 

Հիմնականում օտարերկրացիների շրջանում մեծ պահանջարկ ունեն Ստամբուլի եւ Անթալիայի տներն ու բնակարանները: Մի ուշագրավ տեղեկություն հայաստանցիների համար, որոնք հսկայական գումարներ են ծախսում Երեւանում բնակարան գնելու համար: Թուրքական առողջարանային Անթալիա եւ Ալանիա քաղաքներում բնակարանների մեկ քառակուսի մետրը վաճառվում է ընդամենը 650-750 դոլարով:

Այս ցուցանիշը հուշում է, թե ինչ գնային քաղաքականություն է իրականացվում Հայաստանում բնակարանային շուկայում եւ ինչ պայմաններում են հայտնվել ՀՀ քաղաքացիները: Ի դեպ, թուրքերի եւ հայաստանցիների կենսամակարդակն էլ եւ եկամուտներն էլ հոօգուտ հայաստանցիների մասին չի խոսում:

Top-News.am