Աշխարհի ամենահարուստ մարդը 1 մլն ավստրալական դոլար կնվիրաբերի Ավստրալիայում անտառային հրդեհների դեմ պայքարի համար

Ամերիկյան Amazon ընկերության սեփականատեր Ջեֆ Բեզոսը, որը 113 մլրդ դոլար կարողությամբ ամենահարուստ մարդն է համարվում աշխարհում, 1 մլն ավստրալական դոլար կնվիրաբերի Ավստրալիան պատուհասած անտառային հրդեհների դեմ պայքարի համար:

Բեզոսն իր որոշման մասին հայտնել է հունվարի 12-ին՝ համապատասխան գրառում անելով ինստագրամյան էջում:

Բացի այդ, միլիարդատերը հետևորդներին խնդրել է Amazon կայքով գնումներ անելով` ֆինանսապես աջակցել Ավստրալիա ուղարկվող օգնությանը:

Մինչդեռ Ավստրալիայի իշխանությունները պատրաստվում են նախնական 34,5 մլն դոլար հատկացնել անտառային հրդեհների հետևանքով տուժած վայրի բնության վերականգնմանը: Այս մասին հայտնել է երկրի ֆինանսների նախարար Ջոշ Ֆրայդենբերգը՝ գրառում անելով թվիթերյան էջում:

 

 

 

View this post on Instagram

Our hearts go out to all Australians as they cope with these devastating bushfires. Amazon is donating 1 million AU dollars in needed provisions and services. Find more about it and learn how customers can help as well. Link in bio.

A post shared by Jeff Bezos (@jeffbezos) on Jan 11, 2020 at 10:17pm PST