Ռեալը Բեյլի համար գնորդ է գտել

Մադրիդի «Ռեալի» կիսապաշտպան Գարեթ Բեյլը ընթացիկ մրցաշրջանի ավարտից հետո հնարավոր է լքի ակումբը։

Ինչպես տեղեկացնում է Goal.com-ը՝ հղում կատարելով El Desmarque-ին, ուելսցի ֆուտբոլիստի ծառայություններով հետաքրքրված է Դևիդ Բեքհեմի ակումբը՝ «Ինտեր Մայամին»։

Աղբյուրի փոխանցմամբ՝ «Ինտեր Մայամիից» բացի Բեյլի տրանսֆերը գնելու պատրաստակամություն ունի նաև «Լոս Անջելես Գելեքսին»։

«Արքայական» ակումբը, կարծես թե, կողմ է ֆուտբոլիստի վաճառքին, սակայն Բեյլի կարծիքը դեռևս հստակ չէ։