Դահլիճն արտասվում էր․ Զավորոտնյուկի գեղասահորդ ամուսինը սահել է 1 տարեկան դստեր հետ (տեսանյութ)
Մոսկվայում տեղի է ունեցել Տատյանա Նավկայի շոուն, որին մասնակցել է նաև Պյոտր Չերնիշյովը։ Ընկերները որոշել են անակնկալ կազմակերպել գեղասահորդի համար։
Գեղասահորդ Պյոտր Չերնիշյովը՝ դերասանուհի Անաստասիա Զավորոտնյուկի ամուսինը, դստեր հետ մասնակցել է «Քնած գեղեցկուհի․ երկու թագավորությունների լեգենդը» շոուին։
Գեղասահորդի համար անսպասելի էր դստեր հայտնվելը հանդիսատեսի շարքերում։ Բայց ընկերներն այդպես որոշել են սատարել գործընկերոջը։ Շոուի հերոսուհին՝ հայտնի գեղասահորդուհի Տատյանա Նավկան, դահլիճի բուռն ծափահարությունների ներքո սառույցի վրա է հանել փոքրիկ Միլային, և նրան հանձնել հորը։
«Սա անակնկալ է։ Նա կարող է լինել ապագա չեմպիոն։ Նա Միլա Չերնիշյովան է։ Նա առաջին անգամ է այստեղ, սա անակնկալ է հայրիկի համար»,-ասել է Նավկան։
Դրանից հետո Չերնիշյովը վերցրել է դստերը և այնպես քնշորեն համբուրել նրա ձեռքերը, որ շատերը հուզվել են։
«Հանդիսատեսն արտասվում էր։ Մինչ մայրը բուժվում է, հորն աջակցում է երեխան»,-գրում է «Կոմսոմոլսկայա պրավդա» թերթը։
Ավելի վաղ ԶԼՄ–ները հայտնել էին, որ Զավորոտնյուկի մոտ պոլիօրգան անբավարարություն և թոքաբորբ է զարգացել։ Նշվում էր նաև, որ բժիշկները դադարեցրել են կոմայի մեջ գտնվող դերասանուհու հակաուռուցքային բուժումը։ Սեպտեմբերի 13-ին հայտնի էր դարձել, որ դերասանուհին վերակենդանացման բաժանմունքում է` ծայրահեղ ծանր վիճակում։
ԶԼՄ–ների տվյալներով` 48-ամյա դերասանուհին և նրա ամուսինը` գեղասահորդ Պյոտր Չերնիշևը, հիվանդության մասին իմացել են մոտ մեկ տարի առաջ` իրենց դստեր` Միլայի ծնվելուց հետո։ Ենթադրվում է, որ քաղցկեղային հիվանդությունը կարող էր արտամարմնային բեղմնավորման և ցողունային բջիջներով երիտասարդացման պրոցեդուրաների հետևանք լինել։
Հայտնում էին, որ դերասանուհին բուժում է ստացել Եվրոպայում, սակայն վերջերս Մոսկվա է վերադարձել։ Վերջին շրջանում «Իմ հրաշալի դայակը» սերիալի աստղը հազվադեպ էր ներկայանում հանրությանը, չեղարկել էր բոլոր ներկայացումները։ Նա նույնիսկ ներկա չի գտնվել իր ավագ դստեր խանութի բացմանը։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար