Հայաստանում կկառուցվի առաջին երկնաքերը

Համալիրի ընդհանուր օգտագործման մակերեսը կկազմի 170 հազար քառ․մետր, որից 90 հազար քմ-ն կլինի բնակելի տարածք, 20 հազարական քմ կհատկացվի գրասենյակային, կոմերցիոն-առևտրային տարածքներին, իսկ 10 հազարական քմ՝ հյուրանոցային համալիրի, սննդի կետերի եւ ժամանցի վայրերի համար: Վերևից նայելիս շինությունը ներկայացնում է կրկնակի պենտագրամ և ունի անմոռուկի տեսք: Շինության բարձրությունը 270 մետր է, իսկ հարկերի քանակը ներկա փուլում նախատեսվում է 71։ Վերելակների քանակը կլինի 28, որից 18-ը կլինեն արագընթաց՝ 7 մ/վ եւ ավելի արագությամբ։

Երկնաքերը նախատեսվում է կառուցել մայրաքաղաքի հարավային մասում՝ Ծովակալ Իսակովի պողոտայի հարեևանությամբ: Պահանջվող ներդրումային արժեքը 250 մլն ԱՄՆ դոլար է, որի 25-30%-ը կկազմի սեյսմակայունության եւ ինժեներական միշտական մոնիտորիգնի ապահովման համակարգերի ներդրումը։