Պայքարեք նրանց դեմ, ովքեր ձեզ դրել են այս իրավիճակում․ Թանկյանի կոչը տնօրեններին

«System Of A Down» խմբի մենակատար, ռոք երաժիշտ Սերժ Թանկյանը իր աջակցությունն է հայտնել «Իրազեկ քաղաքացիների միավորում» հասարակական կազմակերպությանը եւ Դանիել Իոաննիսյանին։

Նա Facebook-ի իր էջում գրել է.

«Ես Դանիել Իոաննիսյանին հանդիպել եմ մի քանի շաբաթ առաջ մի խումբ ՀԿ-ների ներկայացուցիչների հետ և մեր նկարը տեղադրել «Instagram»-ում՝ հարգելով նրա լրագրողական ակտիվիզմի ոլորտում կատարած ջանքերը։ Կաշառակերության եւ անարդարության վրա ուշադրություն բևեռողը պետք է գովասանքի արժանանա, և ոչ թե դատապարտվի։

Եթե ներգրավված դպրոցի տնօրենները ամաչում են իրենց ոչ պատշաճ գործողությունների բացահայտման համար, պետք է պայքարեն իրենց այդ վիճակում դրած մարդկանց դեմ, ոչ թե լրագրողի»: