Թրամփը հայտարարել է, որ «երկար ու արդյունավետ» հեռախոսազրույց է ունեցել Էրդողանի հետ

ԱՄՆ նախագահ Դոնալդ Թրամփը հայտարարել է, որ կիրակի «երկար ու արդյունավետ» հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ, որի ընթացքում երկու երկրների առաջնորդները քննարկել են Սիրիային, «Իսլամանակ պետությանն» ու առևտրին վերաբերող հարցերը:

«Ես հենց նոր երկար ու արդյունավետ հեռախոսազրույց եմ ունեցել Թուրքիայի նախագահ Էրդողանի հետ: Մենք քննարկել ենք ԻՊ-ը, Սիրիայում մեր ընդհանուր գործողությունները, ամերիկյան զորքերի դանդաղ ու սերտորեն համաձայնեցված դուրսբերումն այնտեղից», - գրել է Թրամփն իր թվիթերյան էջում՝ հավելելով, որ քննարկվել են նաև զգալիորեն ընդլայնված առևտրի առնչվող հարցերը:

Հիշեցնենք, որ օրեր առաջ ԱՄՆ նախագահը հայտարարել էր «Իսլամական պետություն» ահաբեկչական խմբավորման դեմ տարած հաղթանակի մասին՝ նշելով, որ դա երկրում ամերիկյան զորքերի մնալու միակ պատճառն էր: Ավելի ուշ Սպիտակ տան մամուլի քարտուղար Սառա Սանդերսը հայտնել է, որ ԱՄՆ-ը սկել է Սիրիայից ամերիկյան զորքերի դուրսբերման գործընթացը:

Այս թեմայով Պենտագոնն Իրանի հետ պատերազմի ծախսերը ծածկելու համար Կոնգրեսից 80 միլիարդ դոլար է ցանկանում. Wall Street Journal ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Թուրքիայում 5,5 մագնիտուդ ուժգնությամբ երկրաշարժ է տեղի ունեցել