Թուրքիայի ընդդիմությունն Անկարայում գնացքի վթարից հետո պահանջում է տրանսպորտի և ենթակառուցվածքների նախարարի հրաժարականը

Թուրքիայի գլխավոր ընդդիմադիր ուժը համարվող Ժողովրդահանրապետական կուսակցության պատգամավորները երկրի խորհրդարանում պահանջել են տրանսպորտի և ենթակառուցվածքների նախարար Մեհմեդ Ջահիդ Թուրհանի հրաժարականը՝ կապված օրերս Անկարայում 9 մարդու կյանք խլած գնացքի վթարի հետ, գրում է թուրքական «Ջումհուրիյեթ» պարբերականը:

Ժողովրդադեմոկրատ պատգամավորները միասին ակցի են անցկացրել Մեջլիսի նիստերի սրահում՝ պարզելով «Հրաժարական» գրությամբ պաստառներ:

Ընդդիմադիրները հայտարարել են, որ վթարը տեղի էր ունեցել ուղեկցող գնացքում ազդանշանային համակարգի խափանման հետևանքով, ինչի համար պատասխանատու են իշխանությունները, որոնք թերանում են իրենց պարտականությունների կատարման մեջ:

Հիշեցնենք, որ դեկտեմբերի 13-ին Անկարայից Կոնիա ուղևորվող գնացքի երկու վագոն դուրս էր եկել ռելսերից: Վթարը տեղի է ունեցել արագընթաց գնացքի՝ ուղեկցող գնացքին բախվելու հետևանքով: Զոհվել էր 9 մարդ, վիրավոր էին 86-ը: Դեպքի առիթով ձերբակալվել է 3 մարդ:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին