Թուրքիայի ընդդիմությունը խորհրդակցություններ է անցկացնում նախկին նախագահ Գյուլի հետ

Թուրքիայի գլխավոր ընդդիմադիր ուժը համարվող Ժողովրդահանրապետական կուսակցության նախագահ Քեմալ Քըլըչդարօղլուն հանդիպում է ունեցել երկրի նախկին նախագահ Աբդուլլահ Գյուլի հետ՝ քննարկելու ներքին ու արտաքին քաղաքական մի շարք խնդիրներ:

Ինչպես գրում է թուրքական «Հյուրրիյեթ» պարբերականը, հանդիպումը տեղի է ունեցել դեռևս նոյեմբերին, սակայն լրատվամիջոցները նոր են բացահայտել տեղեկությունը:

Նշվում է, որ Քըլըչդարօղլուի ու Գյուլի քննարկումը կենտրոնացած է եղել հատկապես երկրի տնտեսական ու ժողովրդավարական, ինչպես նաև արտաքին քաղաքական խնդիրների շուրջ:

Հայտնի է, որ հանդիպումը տևել է ավելի քան 3 ժամ:

Այս տարվա օգոստոսին Թուրքիայի իշխող «Արդարություն և զարգացում» կուսակցության փոխնախագահ Համզա Դաղը դավաճան էր անվանել երկրի նախկին նախագահ Գյուլին՝ գործող նախագահ Ռեջեփ Թայիփ Էրդողանի դեմ դուրս գալու համար:

Նշենք, որ հունիսին կայացած նախագահական ընտրություններին ընդառաջ թուրքական «Երջանկություն» կուսակցությունը չէր բացառել, որ որպես երկրի նախագահի թեկնածու կարող է առաջադրել հենց Գյուլին։ Վերջինս թեև տևական ժամանակ չէր մեկնաբանում լուրերը, սակայն ի վերջո որոշել է չառաջադրել իր թեկնածությունը։ Այնուամենայնիվ՝ մինչ ընտրությունները նախկին նախագահն աչքի է ընկել Էրդողանի դեմ լուրջ քննադատություններով։

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին