Թուրքիայի ամենատարեց հայերից 104-ամյա պոլսահայ Հեղինե Ուրուշյանի պատմությունը՝ պոլսահայ մամուլի էջերում

Ստամբուլում հրատարակվող հայկական «Ժամանակ» պարբերականը ներկայացրել է Թուրքիայի ամենատարեց հայերից 104-ամյա պոլսահայ Հեղինե Ուրուշյան Յոլդաշի պատմությունը:

Ստամբուլի Օրթաքյոյ թաղամասում բնակվող «Հեղինե յայա»-ն, ինչպես նրան կոչում են հարազատները, ծնվել է 1914 թվականին Յոզղատի հայաբնակ Չորքոտան գյուղում՝ Հայրապետ և Աննա Ուրուշյանների ընտանիքում:

«Մայրս ինձ ու ինձնից 3 տարի փոքր եղբորս՝ Գրիգորին, վերցնում ու գնում էր հարևանների տուն, նրանք էլ էին մեր տուն գալիս: Որոշ հարևանների հետ շատ մտերիմ էինք: Տան այգում գետնափոր թոնիր ունեինք, տղամարդիկ հավաքվում, կրակ էին վառում, հաց էինք թխում»,- հիշել է տարեց հայուհին:

Երբ Հեղինեն 8 տարեկան էր՝ ընտանիքը ստիպված է եղել լքել հայրենի գյուղը, քանի որ Յոզղատում այլևս հայեր չէին մնացել: Ցեղասպանությունից հետո Արևմտյան Հայաստանում մնացած բազմաթիվ հայերի պես Ուրուշյանները նույնպես շուտով բռնել են Ստամբուլի ճանապարհը:

«Երբ եկանք Ստամբուլ՝ սկզբում երկու ընտանիք մի սենյակում էինք ապրում: Գիշերներն անկողինը փռում էինք գետնին ու քնում: Մի կաթսայի մեջ էինք ճաշ եփում ու ուտում, առանձին ափսեներ չունեինք», - քաղաքային կյանքի առաջին դժվարությունների մասին է պատմել 104-ամյա Հեղինե տատը:

Ընտանիքի՝ Ստամբուլի Օրթաքյոյ թաղամասում հաստատվելուց հետո մանկահասակ Հեղինեն սկսել է հաճախել տեղի հայկական Թարգմանչաց վարժարանը, սակայն նախակրթարանն ավարտելուց հետո կյանքի ծանր պայմաններից ելնելով ստիպված է եղել թողնել ուսումն ու աշխատել:

«Մինչ օրս էլ բոլորովին չի մտածում, թե տարիքն առել է: Բոլոր գործերը փորձում է ինքնուրույն անել: Վերջերս ներքևի հարևանի համար հայկական բաղադրատոմսով լիկյոր պատրաստեց, զանազան քաղցրավենիքներ է պատրաստում: Մեր ընտանիքի անմար ճրագն է, մեր դարավոր կաղնին»,- պատմել է Հեղինե տատի ազգականներից տիկին Ֆլորան:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին