Հոկտեմբերի 12-ին Վարշավայում մասնակցեցի Եվրոպայի անվտանգության և համագործակցության կազմակերպության Ժողովրդավարական հաստատությունների և մարդու իրավունքների գրասենյակի (ԵԱՀԿ ԺՀՄԻԳ) «Մարդկային չափում-2025» համաժողովի շրջանակում կազմակերպված՝ «Հաշմանդամություն ունեցող անձանց ներառականության խթանումը խորհրդարաններում. գնահատման մեթոդաբանություն և պատկերացումներ ԵԱՀԿ տարածաշրջանից» խորագրով քննարկմանը և հրապարակման շնորհանդեսին։ Այս մասին հայտնել է ԱԺ պատգամավոր Զարուհի Բաթոյանը։
«Միջոցառման ընթացքում ներկայացվեց մեթոդաբանություն, որը խորհրդարաններին կօգնի գնահատել ներառականության մակարդակը, բացահայտել մասնակցության խոչընդոտներն ու նախաձեռնել կոնկրետ փոփոխություններ։
Ներկայացնելով հայաստանյան փորձը՝ ընդգծեցի, որ հաշմանդամություն ունեցող անձանց մասնակցությունը որոշումների կայացմանը փոփոխության կարևոր խթան է։ Երբ մենք ներկա ենք, խոչընդոտները տեսանելի են դառնում, իսկ անձնական փորձը կարող է վերածվել բոլորի համար նոր հնարավորություններ ստեղծող օրենսդրական փոփոխությունների։ Ներառական խորհրդարանում յուրաքանչյուր մարդ պետք է կարողանա ներկայացնել իր առաջնահերթությունները, լսված լինել և իրական ազդեցություն ունենալ որոշումների կայացման վրա։
Ներկայացրի նաև Ազգային ժողովի կողմից ընդունված իմ հեղինակած երկու նախաձեռնությունները՝ տեղաշարժման դժվարություններ ունեցող քաղաքացիների համար պատգամավորների հետ տեսազանգով ընդունելության հնարավորությունը և խորհրդարանական հանրային լսումների ուղիղ հեռարձակումների ընթացքում ժեստերի լեզվով պարտադիր թարգմանությունը։
Այս օրինակները ցույց են տալիս, թե ինչպես կարող ենք մարդկանց փորձն ու առաջարկները վերածել օրենքով երաշխավորված մասնակցության հնարավորությունների՝ խորհրդարանը դարձնելով ավելի մատչելի, ներառական և հաշվետու»,-նշել է նա։
Գիտեմ, որ ճիշտ որոշում եմ կայացնում
Firebird AI կենտրոնը կարող է օգտագործվել արևմտյան հատուկ ծառայությունների կողմից. Շևցով
Իրանի նախագահը հայտարարել է, որ իր երկիրը լայնամասշտաբ պատերազմի վիճակում է
Երբ դուրս ես գալիս խաղադաշտ, մտածում ես բացառապես հաղթանակի մասին
Էլեկտրաէներգիայի ընդհատումներ կլինեն Երևանում և մարզերում
Երկրորդ սերնդի մոլորակ
Ջազ համերգ՝ Կասկադի տարածքում
Մարկո Ռուբիոյին կոչ են արել դադարեցնել Ադրբեջանին ցուցաբերվող ամերիկյան ռազմական աջակցությունը
Իրան այցի շրջանակում քննարկված մի շարք պայմանավորվածություններ իրականություն են դառնում
«Ժողովրդավարությունը՝ որպես Հայաստանի խաղաղության ուղի». դեսպան Նարեկ Մկրտչյանի ելույթը ԱՄՆ-ում