Հայաստանը վերահաստատում է ժողովրդավարական ուղին՝ Եվրոպայի խորհրդին անդամակցության 25-ամյակի համատեքստում
Մայիսի 5-ին «Երևանյան երկխոսություն» համաժողովի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը մասնակցել և հիմնական ելույթով հանդես է եկել Եվրոպայի խորհրդին Հայաստանի անդամակցության 25-ամյակին նվիրված «Ժողովրդավարության ամրապնդում ընդդեմ ժամանակակից մարտահրավերների» խորագրով բարձրաստիճան հանդիպմանը: Միջոցառմանը ելույթով հանդես է եկել նաև Եվրոպայի խորհրդի գլխավոր քարտուղարի գրասենյակի տնօրեն Ստեֆանո Պյեդիմոնտե Բոդինին։
ՀՀ ԱԳ նախարարի տեղակալը նշել է, որ Հայաստանը, 2001թ․ անդամակցելով Եվրոպայի խորհրդին, կատարել է քաղաքակրթային ընտրություն՝ հանուն ժողովրդավարության, մարդու իրավունքների և օրենքի գերակայության։ ԱԳ նախարարի տեղակալ Ռոբերտ Աբիսողոմոնյանը ներկայացրել է Հայաստանում ընթացող բարեփոխումները, մասնավորապես ժողովրդավարական ինստիտուտների ամրապնդման, արդարադատության, լավ կառավարման ու մարդու իրավունքների պաշտպանության հարցերում՝ ընդգծելով, որ դրանց առաջընթացի հիմքում հասարակական պահանջն է։
ԱԳ նախարարի տեղակալը կարևորել է ԵԽ դերը խաղաղ, արդար և ներառական հասարակությունների կառուցման և ժողովրդավարական անվտանգությանն ուղղված սպառնալիքների հայտնաբերման ու դրանց համարժեք արձագանքի ապահովման գործում։
Բարձրաստիճան հանդիպման շրջանակներում անցկացված պանելային քննարկմանը մասնակցել են Ֆինլանդիայի ԱԳՆ գլխավոր տնօրեն Սարի Ռաուտիոն, ՀՀ ԱԺ պատգամավոր Սոնա Ղազարյանը, Կիպրոսի «Oxygen for Democracy» կազմակերպության քաղաքական տնօրեն Անգելիկի Կուրին և բելգիական «International Partnership for Human Rights» կազմակերպության ծրագրերի տնօրեն Սիմոն Պապուաշվիլին։ Բանախոսներն անդրադարձել են ժողովրդավարության պաշտպանության և իրավունքի գերակայության խթանման խնդիրներին՝ ժողովրդավարական պետությունների դեմ ուղղված խառնածին սպառնալիքների ու արտաքին միջամտության ռիսկերի պայմաններում։
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
Ակադեմիական քաղաքի տարածքում հայտնաբերվել է հնագույն բնակավայր
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
Պատգամավորները 1 րոպե լռությամբ հարգեցին Սինջարի եզդիների ցեղասպանության զոհերի հիշատակը
Նիկոլ Փաշինյանը Վարչապետի աշխատակազմին է ներկայացրել նորանշանակ ղեկավար Լիլիթ Մակունցին
ՀՀ Կառավարության կազմը
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը
Երբ պետության համակրանքը չի դառնում փոխադարձ պարտավորություն․ Նասիմ Թալեբը` Բաքու չմեկնելու մասին
Ֆրանսիայում անտառային հրդեհների հետ կապված ձերբակալվել է 375 մարդ