ԱՄՆ-ի և Իսրայելի ավիահարվածների հետևանքով սպանված Իրանի գերագույն հոգևոր առաջնորդ Ալի Խամենեիի որդին՝ Մոջաթաբ Խամենեին, Իրանի գերագույն հոգևոր առաջնորդի պաշտոնի առաջատար թեկնածուն է, հաղորդում է New York Times-ը՝ հղում անելով իրանական պաշտոնյաներին։
«Իրանի հաջորդ գերագույն հոգևոր առաջնորդի ընտրության համար պատասխանատու բարձրաստիճան կրոնական գործիչները քննարկումների համար հանդիպել են երեքշաբթի օրը և սպանված նախկին առաջնորդի՝ այաթոլլա Ալի Խամենեիի որդին դարձել է անվիճելի առաջատար», - նշվում է հաղորդագրության մեջ։
Նշվում է նաև, որ Մոջաթաբ Խամենեիին հոր իրավահաջորդը հռչակելու հնարավորությունը քննարկվել է չորեքշաբթի առավոտյան, սակայն մտահոգություններ են առաջացել, որ նա այդպիսով կարող է հայտնվել ԱՄՆ-ի և Իսրայելի թիրախում։
Մոջաթաբ Խամենեին սերտ կապեր ունի Իսլամական հեղափոխության պահապանների կորպուսի (ԻՀՊԿ) հետ, և հենց ԻՀՊԿ-ն է առաջ քաշել նրա թեկնածությունը՝ պնդելով, որ նա ունի անհրաժեշտ հմտությունները ճգնաժամային ժամանակահատվածում Իրանը ղեկավարելու համար, գրում է NYT-ը։
Թերթի տվյալներով՝ թեկնածուների թվում են նաև հոգևորական և փաստաբան Ալիռեզա Արաֆին, որը այաթոլլա Խամենեիի սպանությունից հետո ստեղծված ժամանակավոր խորհրդի անդամ է, և Հասան Խոմեյնին՝ Իսլամական հեղափոխության հիմնադիր այաթոլլա Ռուհոլլա Խոմեյնիի թոռը։
Ինչպես նշում է թերթը, Արաֆին և Խոմեյնին համարվում են չափավոր քաղաքական գործիչներ։ Խոմեյնին կապված է բարեփոխական թևի հետ, որը պաշտպանում է քաղաքական և սոցիալական սահմանափակումների մեղմացումը։
ԱՄՆ-ն և Իսրայելը փետրվարի 28-ին ռազմական գործողություն են սկսել Իրանի դեմ։ Հրթիռակոծվել են Իրանի մայրաքաղաք Թեհրանը և երկրի խոշորագույն քաղաքները։ Հարվածներից անմիջապես հետո Իսլամական հեղափոխության պահապանների կորպուսը հայտարարել է լայնածավալ պատասխան գործողության մասին։ Իրանը հրթիռներ և անօդաչու թռչող սարքեր է արձակել Իսրայելի և Բահրեյնի, Հորդանանի, Կատարի, Քուվեյթի, ԱՄԷ-ի և Սաուդյան Արաբիայի ամերիկյան ռազմաբազաների վրա։
Իսրայելի և ԱՄՆ-ի հարձակման հետևանքով սպանվել են Իրանի գերագույն առաջնորդ այաթոլլա Ալի Սեյեդ Խամենեին և այլ բարձրաստիճան պաշտոնյաներ։
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Երևանը կդառնա ժամանակակից երաժշտության և արվեստի միջազգային կենտրոն
Աբու Դաբին կունենա համաշխարհային արվեստի նոր կենտրոն
Կարլոս Էսպին պայմանագիր է կնքել «Ռեալ Մադրիդի» հետ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Փրկարարները կենդանուն դուրս են բերել ջրատարից
Մահացել է աշխարհի չեմպիոն և «Միլանի» լեգենդ Ֆրանկո Բարեզին