Վենսը զգուշացնում է Իրանին «լուրջ» ընդունել ԱՄՆ սպառնալիքները

ԱՄՆ փոխնախագահ Ջեյ Դի Վենսը հայտարարել է, որ Իրանը պետք է «լուրջ» վերաբերվի Վաշինգտոնի նախազգուշացումներին՝ կապված միջուկային ծրագրի շուրջ աճող լարվածության հետ։ Ավելի վաղ ԱՄՆ նախագահ Դոնալդ Թրամփը Կոնգրեսում ունեցած ելույթում պնդել էր, որ Թեհրանը մշակում է հրթիռներ, որոնք կարող են սպառնալ ինչպես Եվրոպային, այնպես էլ ապագայում՝ ԱՄՆ-ին։ Նա նաև մեղադրել է Իսլամական Հանրապետությանը «չարամիտ միջուկային նկրտումներ» ունենալու և նախորդ տարվա հարվածներից հետո միջուկային ծրագրի վերականգնման փորձերի մեջ։

Fox News-ին տված հարցազրույցում Վենսը նշել է, որ Վաշինգտոնը նախընտրում է խնդիրը լուծել դիվանագիտական ճանապարհով, հավելել է, որ այնուամենայնիվ նախագահը «իրավունք ունի» դիմելու ռազմական միջոցների։

Նրա խոսքով՝ ԱՄՆ-ն չի կարող թույլ տալ, որ «աշխարհի ամենավտանգավոր ռեժիմներից մեկը» միջուկային զենք ձեռք բերի։ Միաժամանակ ԱՄՆ-ն հայտարարել է Իրանի դեմ նոր պատժամիջոցների մասին՝ շարունակելով իր «առավելագույն ճնշման» քաղաքականությունը։ Իրանի նախագահ Մասուդ Փեզեշքիանը ավելի վաղ նշել էր, որ բանակցությունների համար «բարենպաստ հեռանկար» կա, մինչ երկրի ԱԳ նախարար Աբբաս Արաղչին իր պատվիրակության հետ մեկնել է Շվեյցարիա՝ հանդիպելու ամերիկացի պաշտոնյաների հետ։

Թեհրանը հերքել է Վաշինգտոնի մեղադրանքները՝ հայտարարելով, որ իր միջուկային ծրագիրը բացառապես քաղաքացիական նպատակներ ունի և ամերիկյան պնդումները «մեծ ստեր» են։

Այս թեմայով Կարող եք վերգետնյա ռեակտորներ ունենալ և վառելիքը ներմուծել. Ռուբիո Իրանը միջnւկային զենքից հրաժարվելու խոստում չի տվել. Թրամփ Թուրքիան հայտարարել է, որ ԱՄՆ-ը չի սկսի ցամաքային գործողություն Իրանի դեմ ԱՄՆ-ը մեծացրել է ռազմական ինքնաթիռների քանակը Իրանի շուրջ գտնվող բազաներում Թեհրանը գրավոր առաջարկ կներկայացնի Վաշինգտոնին. Reuters