ԱՄՆ-ում հայտնել են թմրամաքսանենգության դեմ պայքարի շրջանակում առաջին զոհված զինծառայողի մասին
ԱՄՆ ծովային հետևակի զինծառայողը, որը Կարիբյան ծովում ամերիկյան գրոհային նավից ընկել էր ջուրը, դարձել է թմրանյութերի ապօրինի շրջանառությամբ զբաղվող նավակների դեմ ուղղված ԱՄՆ գործողության առաջին ամերիկացի զոհը։ «Արմենպրես»-ի փոխանցմամբ՝ այս մասին հաղորդում է BBC-ն։ Ֆլորիդայից 21-ամյա կապրալ Չուկվուեմեկա Է. Օֆորան փետրվարի 7-ին ընկել է ԱՄՆ ռազմածովային ուժերի «Իվոձիմա» նավից և կորել ծովում։ Երկարատև որոնումներից հետո, որոնք ավարտվել են փետրվարի 10-ին, հայտարարվել է նրա մահվան մասին։
ԱՄՆ զինվորականները շարունակում են հետաքննել միջադեպը։ ԱՄՆ ծովային հետևակի հայտարարության մեջ չի նշվում, թե ինչպես է զինծառայողն ընկել նավից։
Օֆորան մասնակցում էր «Հարավային նիզակ» գործողությանը, որի ընթացքում սեպտեմբերից ի վեր Կարիբյան ծովում և Խաղաղ օվկիանոսում թմրանյութերի մաքսանենգության համար կասկածվող նավակներին 38 հարված է հասցվել։ Այս հարվածների հետևանքով, ըստ ամերիկյան ԶԼՄ-ների, զոհվել է ավելի քան 120 մարդ։
«Իվոձիմա» նավն օգտագործվել է հունվարի 3-ին Վենեսուելայում ԱՄՆ հատուկ գործողությունից հետո այդ երկրի նախագահ Նիկոլաս Մադուրոյին ԱՄՆ տեղափոխելու համար։
Լույսն ամենաթանկ նվերն է, որ կարող ես տալ մարդուն
Էլեկտրաէներգիայի ընդհատումներ կլինեն Երևանում և մարզերում
Լուկաշենկոյի և Թրամփի հատուկ դեսպանորդ Ջոն Քոուլի հանդիպումից հետո 25 մարդ ազատ է արձակվել
Արջի հարձակման հետևանքով կինը տեղում մահացել է
Դավիթ Կարապետյանը մասնակցել է Միջազգային քրեական դատարանի նախարարական ոչ պաշտոնական ցանցի հանդիպմանը
Կոլումբիայի ղեկավարությունը որոշում է կայացրել խզել դիվանագիտական հարաբերություններն Իրանի հետ
Սուրեն Պապիկյանը ցավակցել է Ղազախստանի իր գործընկերոջը զորավարժությունների ընթացքում միջադեպի զոհերի...
Խոշոր վթար է գրանցվել «Արզական-Քանաքեռ-Զովունի» ջրատարի վրա
Կենսաչափական անձնագիր և նույնականացման քարտ ստանալու բոլոր փուլերը՝ քաղաքացու տեսանկյունից
Ես ուրախ եմ այստեղ գտնվելու համար