Այս պահին էլ չենք կարողանում կապ հաստատել Իրանի մեր հայրենակիցների հետ. Զարեհ Սինանյան
Ուրբաթ օրվանից Իրանում հայերի կարգավիճակի վերաբերյալ որևէ տեղեկատվություն չկա։ Այս մասին հունվարի 12-ին կայացած մամուլի ասուլիսում հայտարարել է ՀՀ սփյուռքի հարցերով հանձնակատար Զարեհ Սինանյանը։
«Ուրբաթ օրվանից տեղեկություններ չկան, չենք կարողանում կապ հաստատել հայրենակիցների հետ»,- հայտնել է Սինանյանը: Նրա խոսքով՝ նմանատիպ իրավիճակ է եղել նաև մայիսին, այն ժամանակ տեղեկատվություն էին ստանում ժամանող հայրենակիցների միջոցով: Տարհանման մասին խոսելու համար բավարար տեղեկություններ չկան, հավելել է Սինանյանը՝ հստակեցնելով, որ եթե լինեն համապատասխան տվյալներ, կբարձրացնենք տարհանման հարցը: Հանձնակատարը հավաստիացնում է, որ խնդիրը կապի բացակայությունն է: Ըստ նրա՝ Իրան աշխատանքային խումբ ուղարկելն իմաստ չունի, քանի որ պարզ չէ, թե ուր և ինչ նպատակով ուղարկել: Նախևառաջ անհրաժեշտ է հասկանալ, թե ինչ է կատարվում այն քաղաքներում, որտեղ շատ հայեր կան:
Խոսելով Սիրիայում բնակվող հայերի վիճակի մասին՝ Սինանյանը նկատել է, որ այնտեղ իրավիճակը քրոնիկական է և փաստել է, որ մարդիկ սովորել են դրան: Այդ պատճառով նա հորդորել է գալ Հայաստանի Հանրապետություն, քանի որ «Սիրիայում ապագան մշուշոտ է», տեղի են ունենում բավական լուրջ բախումներ: «Հայրենակիցների հետ կապի մեջ ենք, գիտենք՝ ինչ է կատարվում»,- հայտարարել է Սինանյանը:
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
Վարչապետ Նիկոլ Փաշինյանը պատասխանում է լրագրողների հարցերին
Թրամփը վախենում էր Վենեսուելայում ռազմական գործողության ձախողումից. NYT
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ
2025-ի դեկտեմբերին Հայաստան է այցելել 139 հազար 933 զբոսաշրջիկ
Կառավարությունը քաղաքացիներին գումար չի բաժանում․ ՀՀ ԱՍՀ նախարարությունը հերքում է սոցցանցերում տարա...
Սիրիայի նախագահը հեռախոսազրույց է ունեցել Մակրոնի և Էրդողանի հետ
Որ ակումբն է ցանկանում գնել Ռոնալդուն
Ուժեղ փոթորիկ Ստամբուլում
«Մարշալ Բաղրամյան» կայարանը գործում է նորացված տեսքով