18-մետրանոց ավտոբուսների մուտքով նոր կարգավորումներ կունենանք մարդատար մեքենաների համար. Ավինյան
Երևանի քաղաքապետ Տիգրան Ավինյանը հայտարարել է, որ 18-մետրանոց 250 ավտոբուսների ծրագիրը ոչ միայն ամփոփում է տրանսպորտային ռեֆորմի առաջին ամբողջական փուլը, այլև մի քանի կարևոր հարց է լուծում։ Այս համատեքստում նա առաջինը շեշտել է խցանումների խնդիրը։
«18-մետրանոց 250 ավտոբուսների մուտքով մենք հնարավորություն կունենանք որոշակի նոր կարգավորումներ մարդատար մեքենաների համար, որոնք վստահորեն արդեն իսկ քանակապես գնալով ավելանում են։ Ստեղծելով հանրային տրանսպորտի նոր համակարգ՝ մենք կկարողանանք որոշակի փողոցներում բացի հանրային տրանսպորտից արգելել որևէ այլ մեքենայի մուտքը։ Ամեն 18-մետրանոց ավտոբուսը փոխարինում է 80–100 մարդատար ավտոմեքենայի, և մենք կարող ենք այս համեմատականները հստակ անել»,– ասել է նա։
Ըստ քաղաքապետի՝ երկրորդը օդի որակի հարցն է։ Ավինյանը նշել է, որ նոր ավտոբուսները արտանետումներ չեն ստեղծում։ «Դրանք փոխարինում են մարդատար մեքենաներին՝ խոսքը 25 հազար մեքենայի մասին է։ 25 հազար մեքենայի արտանետում դուրս է գալիս»,– ասել է նա՝ շեշտելով. «Եվ խցանումների մասով է կարևոր, և օդի որակի մասով է կարևոր»։
ՊՆ պաշտոնատար անձը մեղադրվում է շուրջ 160 միլիոն դրամ արժողությամբ գույքի հափշտակության մեջ
Վարչապետ Նիկոլ Փաշինյանը պատասխանում է լրագրողների հարցերին
Թրամփը վախենում էր Վենեսուելայում ռազմական գործողության ձախողումից. NYT
2025-ի դեկտեմբերին Հայաստան է այցելել 139 հազար 933 զբոսաշրջիկ
Ծառուկյանի դեմ մենամարտում վաստակածս գումարն ինձ համար ռեկորդային էր․ Շարա Բուլետ
Կառավարությունը քաղաքացիներին գումար չի բաժանում․ ՀՀ ԱՍՀ նախարարությունը հերքում է սոցցանցերում տարա...
Ուժեղ փոթորիկ Ստամբուլում
«Մարշալ Բաղրամյան» կայարանը գործում է նորացված տեսքով
Սիրիայի նախագահը հեռախոսազրույց է ունեցել Մակրոնի և Էրդողանի հետ
Որ ակումբն է ցանկանում գնել Ռոնալդուն