Ի՞նչ ի նկատի ունի Վարչապետը, երբ ասում է, որ «ՀԷՑ-ը փող է գողացել» մեր ժողովրդից. Ռոմանոս Պետրոսյանի պարզաբանումը
ՀԷՑ ժամանակավոր կառավարիչ Ռոմանոս Պետրոսյանը ֆեյսբուքյան իր էջում գրել է. Վարչապետ Nikol Pashinyan / Նիկոլ Փաշինյան-ն երեկ Կառավարության նիստից հետո տեղի ունեցած ճեպազրույցի ընթացքում ասել է. «ՀՀ-ում չկա գոնե մի ընտանիք, որից նախորդող շրջանում ՀԷՑ-ը փող չի գողացել»։
ՀԾԿՀ նախագահի կողմից ՀԷՑ-ի նկատմամբ հարուցված վարչական վարույթի շրջանակներում վերջինիս կողմից նշանակվելով ՀԷՑ-ի Ժամանակավոր կառավարիչ՝ ավելի քան 5 ամիսների գործունեության ընթացքում տիրապետում եմ ահռելի տեղեկատվության եւ փաստերի, որոնք ուղղակիորեն հաստատում են Վարչապետի խոսքերը, եւ ավելին՝ ՀԷՑ-ի կառավարման նախորդ շրջանի բազմաթիվ խախտումների, առերեւույթ հանցակազմ պարունակող փաստերի հիմամբ այս պահին Քննչական կոմիտեում եւ Հակակոռուպցիոն կոմիտեում նախաձեռնված են շուրջ երկու տասնյակ քրեական վարույթներ։ Այդ փաստերի ու համակարգային խավտումների հիմքով էր նաեւ, որ ՀԾԿՀ-ն հարուցված վարույթի արդյունքում 2025թ. նոյեմբերի 17-ին ՀԷՑ-ին զրկեց բաշխման լիցենզիայից։
Ի՞նչ ի նկատի ունի Վարչապետը, երբ ասում է, որ «ՀԷՑ-ը փող է գողացել» մեր ժողովրդից.
* դա մի քանի քրեական վարույթների նյութերով արդեն իսկ հիմնավորված՝ ՀԷՑ-ի բաժանորդների կողմից սպառված էլեկտրաէներգիայի ծավալների ահռելի հավելագրումների փաստերն են տասնյակ հազարավոր ընտանիքների, կազմակերպությունների եւ բյուջետային հիմնարկների հաշվառման սարքերին, ովքեր չեն սպառել, սակայն տարիներ շարունակ վճարել են դրա դիմաց,
* դա ինքնավար էներգաարտադրող՝ հազարավոր ընտանիքների արեւային կայանների կողմից արտադրված էքեկտրաէներգիայի ծավալների ահռելի չափերով թերգրանցումներն են, որոնք հետ են մղվել ՀԷՑ-ի բաշխիչ ցանց եւ վերջիններս իրենց օրինական արտադրանքի համար որեւէ կերպ չեն փոխհատուցվել,
* դա ՀՀ-ում էլեկտրաէներգիայի գործող՝ առանց այդ էլ բավականին թանկ սակագնի մեջ ուղղակիորեն ներառված ներդրումային ծրագրի ծախսային հոդվածներն են, որոնք տարիներ շարունակ իրականացվել են փակ տնտեսական մոնոպոլ արժեշղթայի գործադրմամբ՝ շուկայական գներից բազմապատիկ անգամ բարձր եւ ուռճացված արժեքներով, իսկ դրա դիմաց վճարել է ՀՀ քաղաքացին՝ սակագնի մեջ ներառված գումարի տեսքով…
Եւս տասնյակ նման օրինակներ կարող եմ բերել… ՀԷՑ-ն այլեւս ծառայում է մեր ժողովրդին։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...