Թրամփին դուր չի եկել Պուտինի նստավայրի վրա ուկրաինական հարձակումը. Զելենսկին դա «ՌԴ հերթական սուտ» է անվանում
ԱՄՆ նախագահ Դոնալդ Թրամփին դուր չի եկել Վլադիմիր Պուտինի նստավայրի վրա ուկրաինական ԱԹՍ-ների հարձակումը։ Այդ մասին Թրամփին հայտնել է ՌԴ նախագահը դեկտեմբերի 29-ի հեռախոսազրույցի ժամանակ։ «Ինձ դա դուր չի գալիս։ Դա վատ է։ Այդ մասին ես իմացա այսօր առավոտյան։ Նախագահ Պուտինը պատմեց ինձ դրա մասին։ Վաղ առավոտյան նա ասաց, որ իր վրա հարձակվել են։ Դա վատ է։ Դա վատ է։ Մի մոռացեք, ես դադարեցրել եմ Tomahawk-երի մատակարարումը Ուկրաինային։ Ես դա չէի ուզում»,- ասել է նա։
Թրամփը հավելել է, որ դեպքը տեղի է ունեցել «շատ նուրբ ժամանակահատվածում»․ «Հիմա անհարմար ժամանակ է։ Մի բան է լինել ագրեսիվ, որովհետեւ նրանք ագրեսիվ են։ Այլ բան է՝ հարձակվել նրա տան վրա։ Հիմա ամենեւին հարմար ժամանակ չէ այս ամենի համար։ Եվ դա չի կարելի անել։ Ես այդ մասին իմացա նախագահ Պուտինից։ Ես շատ զայրացած էի դրա համար»,- ասել է նա։
Ավելի վաղ Ռուսաստանի ԱԳ նախարար Սերգեյ Լավրովն էր հայտնել, որ ուկրաինական անօդաչուները Նովգորոդի մարզում հարձակվել են Պուտինի Վալդայի նստավայրի վրա։ Դրան ի պատասխան՝ Ուկրաինայի նախագահ Վոլոդիմիր Զելենսկին նշել էր, որ դա «ՌԴ հերթական սուտ»-ն է։ Նրա խոսքով՝ Ռուսաստանը պատրաստվում է դա օգտագործել որպես պատրվակ Կիեւին հարվածելու համար։
«Ռուսները հորինել են ակնհայտ կեղծ պատմություն ռուսական բռնամետի ինչ-որ նստավայրի վրա հարձակման մասին, որպեսզի արդարադցնեն Ուկրաինայի, մասնավորապես Կիեւի վրա հարվածները, ինչպես նաեւ հրաժարվեն պատերազմն ավարտելու անհրաժեշտ քայլերից։ Ռուսների սովորական տակտիկա։ Որոնք [ռուսական հարձակումը] արդեն հարվածել են Կիեւին, մասնավորապես Ուկրաինայի կառավարության շենքին»,- ասել էր նա։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
ԲԴԽ-ն դատավոր Արշակ Պետրոսյանին նախազգուշացում հայտարարեց
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը
Կընդգրկվի արդյոք Փարաքարի նախկին համայնքապետ Գյուլնազարյանը՝ ՔՊ ընտրական ցուցակում
Սիլիկյան թաղամասում հայտնաբերվել են 2 սատկած շներ՝ մետաղական լարով խեղդած և կապված
«Արատտա այգին» արժանացել է պատվավոր մրցանակի SHARE ճարտարապետական միջազգային մրցույթում