Վրաստանին զսպելու համար Ադրբեջանը Հայաստանի հետ էլ ավելի կբարելավի հարաբերությունները
Ադրբեջանական լրատվամիջոցները պնդում են, որ Բաքուն քննարկում է մինչեւ Հայաստանի սահման երկաթուղագիծը վերականգնելու հնարավորությունը «ի պատասխան Թբիլիսիի սակագնային դեմարշի»։
Նշենք, որ այն լրատվամիջոցները, որոնք գրել են այս մասին, որպես կանոն արտահայտում են Ադրբեջանի իշխանությունների կարծիքը։ Նախկինում նույն լրատվամիջոցները գրել էին, թե Վրաստանը պահանջել է անհիմն բարձր սակագին ադրբեջանական վառելիքի Հայաստան տարանցման համար։ Այնուհետեւ Թբիլիսին հաղորդել էր Վրաստանի վարչապետ Իրակլի Կոբախիձեի՝ նավթամթերքի միանվագ տարանցումն անվճար ապահովելու որոշման մասին։
«Սակայն նման միանվագ որոշումները չեն լուծում գլխավոր հարցը. ո՞րն է Թբիլիսիի իրական դիրքորոշումը երկարաժամկետ սակագների եւ մաքսային տուրքերի վերաբերյալ», - նշվում է նմանատիպ հոդվածներից մեկում
ԶԼՄ-ները հղում անելով «Բաքվի եւ Երևանի միջեւ քննարկումներից լավատեղյակ աղբյուրներին», գրում է, որ Ադրբեջանն «արդեն սկսել է գնահատել իր սեփական հնարավորությունները՝ այլընտրանքային լոգիստիկ առանցք ստեղծելու համար»։ Խոսքը վերաբերում է երկաթուղային գծի վերականգնմանը, որը խորհրդային տարիներին Բաքուն կապում էր Ղազախի, իսկ այնտեղից՝ Իջևանի հետ։
«Մեր տեղեկությունների համաձայն՝ նախնական գնահատումն արդեն սկսվել է. ուսումնասիրվում են այն հատվածի հնարավոր վերականգնման տեխնիկական պարամետրերը, արժեքը և ժամկետները, որը թույլ կտա հեռացնել Վրաստանից տարանցիկ երթևեկության մի մասը։ Այնուհետև բեռները կարող են հատել սահմանը ճանապարհով և ավելի խորը շարժվել դեպի Հայաստան, ինչը ժամանակակից լոգիստիկայի տեսանկյունից լիովին կենսունակ լուծում է։ Զուգահեռաբար ուսումնասիրվում է լիարժեք ճանապարհային երթուղիների տարբերակը։ Երթուղին դեռևս վերջնականապես չի որոշվել. քննարկվում են այլընտրանքային միջանցքները և դրանց ծախսարդյունավետությունը։ Սակայն այն փաստը, որ նման քննարկումներ են տեղի ունենում, խոսում է գլխավորի մասին. Ադրբեջանը դադարել է Վրաստանի տարածքով տարանցումը դիտարկել որպես միակ կամ անխուսափելի ուղի», - նշվում է հոդվածում։
«Այսօր Թբիլիսին կանգնած է պարզ ընտրության առաջ. կամ ինտեգրվել տարածաշրջանային համագործակցության նոր մոդելին, կամ հետևել, թե ինչպես են զարգանում երթուղիները, որտեղ իր ներկայությունն այլևս անհրաժեշտ չէ», - եզրափակում է հրատարակությունը։
Նոյեմբերի վերջին լրատվամիջոցներում հայտնվեցին հաղորդագրություններ Ադրբեջանի բեռնատարների վարորդների առջև ծառացած խնդիրների մասին։ Պնդվում էր, որ վրացի պաշտոնյաները վարորդներին ասել են. «Զանգեզուրով անցեք, երբ ձեր Զանգեզուրի միջանցքը պատրաստ լինի»։ Վրաստանի ֆինանսների նախարարության Պետական եկամուտների ծառայությունը հերքել է ադրբեջանական բեռների արգելափակման մասին հաղորդագրությունները։ Գործակալությունը շեշտել է, որ նման հայտարարությունները չեն համապատասխանում իրականությանը և մոլորեցնում են հանրությանը։
Top-News.am
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
Երևանը կդառնա ժամանակակից երաժշտության և արվեստի միջազգային կենտրոն
Աբու Դաբին կունենա համաշխարհային արվեստի նոր կենտրոն
Կարլոս Էսպին պայմանագիր է կնքել «Ռեալ Մադրիդի» հետ
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Ուրումչիի մշակութային ուղին. Գրանդ բազար
Փրկարարները կենդանուն դուրս են բերել ջրատարից
Մահացել է աշխարհի չեմպիոն և «Միլանի» լեգենդ Ֆրանկո Բարեզին