Արթիկում կառուցվում է ժամանակակից չափանիշներին համապատասխան բժշկական կենտրոն
Արթիկում կառուցվում է ժամանակակից չափորոշիչներին համապատասխան բժշկական կենտրոն։ Կառավարության 2021-2026 թվականների գործունեության միջոցառումների ծրագրով Արթիկի բժշկական կենտրոնն ընդգրկվել է «Ժամանակակից չափանիշներին համապատասխան գործող բժշկական հաստատությունների շենքերի կառուցում, վերակառուցում» ծրագրում: Պատվիրատուն ՀՀ քաղաքաշինության կոմիտեն է:
«Արմենպրես»-ի թղթակցի հետ զրույցում Շիրակի մարզպետ Դավիթ Առուշանյանը նշեց, որ բժշկական կենտրոնի շինաշխատանքներն արդեն ընթացքի մեջ են։ «Շիրակի մարզում այս տարի աննախադեպ ծավալների հասնող քաղաքաշինական ծրագրերը վերաբերում են ոչ միայն դպրոցաշինությանը և ճանապարհաշինությանը, այլ նաև մյուս ոլորտներին, այդ թվում՝ առողջապահական»,- ընդգծեց մարզպետը։
Կառուցվող բժշկական կենտրոնի շենքում մեկտեղվելու են մատուցվող բոլոր բժշկական ծառայությունները, այն հագեցած է լինելու նոր և ժամանակակից սարքավորումներով։ Բժշկական կենտրոնի նոր շենքը լինելու է տիպային կառույց։
«Բժշկական կենտրոնը լինելու է Արթիկ համայնքի զարգացման կարևոր բաղադրիչներից մեկը՝ ավելի քան երեք միլիարդ բյուջեով։ Այս պահին կառուցվում են նաև Պեմզաշենի և Ախուրիկի ամբուլատորիաները։ Շինարարական աշխատանքների մրցույթի հայտարարման փուլում ենք Գյումրու թիվ 2 պոլիկլինիկայի համար։ Այս ընթացքում «Իտալական» պոլիկլինիկայի երկրորդ հարկում ևս վերանորոգում իրականացրինք»,-նշեց Շիրակի մարզպետը։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...