Վաշինգտոնում Սպիտակ տան մոտ կրակոցներ արձակողը համագործակցել է ԱՄՆ հատուկ ծառայությունների հետ

BBC-ի տվյալներով՝ Վաշինգտոնում Ազգային գվարդիայի զորքերի վրա կրակոցներ արձակելու մեջ կասկածվողը համագործակցել է ԿՀՎ-ի հետ Աֆղանստանում։ Քեշ Պատելի խոսքով՝ կասկածյալը՝ 29-ամյա աֆղան Ռահմանուլլա Լախանվալը, «կապեր է ունեցել Աֆղանստանում գործընկեր ուժերի հետ» նախքան Միացյալ Նահանգներ փախուստը։ ԿՀՎ տնօրեն Ջոն Ռատկլիֆը հետագայում CBS-ին ասել է, որ նրան թույլատրվել է մուտք գործել Միացյալ Նահանգներ՝ «ԱՄՆ կառավարության հետ իր նախկին աշխատանքի շնորհիվ»։

«Բայդենի Աֆղանստանից աղետալի դուրսբերումից հետո, կրակողի մուտքը Միացյալ Նահանգներ 2021 թվականի սեպտեմբերին հնարավոր է դարձել ԱՄՆ կառավարության, այդ թվում՝ ԿՀՎ-ի հետ նրա նախկին աշխատանքի շնորհիվ՝ որպես գործընկեր ուժերի մաս Կանդահարում, որը դադարեցվել է քաոսային տարհանումից կարճ ժամանակ անց», - ասել է Ռատկլիֆը։

Պիրոն ասել է, որ Լականվալին մեղադրանք է առաջադրվել սպանության մտադրությամբ զինված հարձակման համար, սակայն այդ մեղադրանքը կբարձրացվի մինչև առաջին աստիճանի սպանություն, եթե չորեքշաբթի օրը վիրավորված Ազգային գվարդիայի զինվորներից որևէ մեկը սպանվի։

ՀԴԲ տնօրենը նշել է, որ դեռ վաղ է որոշել հարձակման դրդապատճառը, սակայն «այժմ ընթանում է ահաբեկչության հետաքննություն»։

Վաշինգտոնում տեղի ունեցած կրակոցների հետևանքով վիրավորվել են 20-ամյա Սառա Բեքստրոմը, ով ավելի ուշ մահացել է, և 24-ամյա Էնդրյու Վուլֆը։