Հայաստանի հավաքականը ստացավ իր շանսերը մեր սխալներից հետո. Մարկո Ռոսի

Երկորրդ խաղակեսի համար ցանկանում եմ ամենալավ խոսքերն ասել Հայաստանի հավաքականին: Այս ընտրական մրցաշարում այսօրվա երկրորդ խաղակեսը  վատագույնն էր մեր հավաքականի համար: Այդքան էլ ուրախ չեմ մեր ցույց տված խաղի համար, բայց ուրախ եմ հաղթանակի համար:

Այս մասին հետխաղային ասուլիսում ասաց Հունգարիայի հավաքականի գլխավոր մարզիչ Մարկո Ռոսին:

Ֆուտբոլի աշխարհի առաջնության ընտրական մրցաշարի նախավերջին տուրում Հայաստանի հավաքականը Երեւանի Վազգեն Սարգսյանի անվան «Հանրապետական» ստադիոնում 0:1 հաշվով պարտվեց Հունգարիայի հավաքականին։ «Այդքան էլ ուրախ չեմ մեր ցույց տված խաղի համար, բայց հաղթանակի համար ուրախ եմ: Երկրորդ խաղակեսում չկարողացանք գտնել այն ճանապարհը, որը սկսել էինք առաջին խաղակեսում: Հայաստանի հավաքականը ստացավ իր շանսերը մեր սխալներից հետո:

Ընտրական մրցաշարում այսօրվա երկրորդ խաղակեսը վատագույնն էր մեր հավաքականի համար: 1:0 արդյունքը մեզ համար ընդունելի է: Մենք պատրաստ ենք պայքարել փլեյ-օֆֆի ուղեգրի համար: Կվերլուծենք եւ կհասկանանք, թե ինչ տեղի ունեցավ մեր հավաքականի հետ առաջին խաղակեսից հետո:

Երկորրդ խաղակեսի համար ցանկանում եմ ամենալավ խոսքերն ասել Հայաստանի հավաքականի լավ խաղ անցկացնելու համար: Երկրորդ խաղակեսում իմ թիմն այն չէր, ինչ առաջին խաղակեսում: Այսպիսի խաղի ամբողջ պատասխանատվությունն իմն է:  Երկրորդ խաղակեսում չկարողացանք անել այն, ինչ կարողանում էինք անել առաջին խաղակեսում»,- ասաց Մարկո Ռոսին:

F խմբում Հունգարիան 8 միավորով երկրորդն է, Հայաստանի թիմը 3 միավորով վերջինն է եւ զրկվել է եզրափակիչ փուլի ուղեգրի համար պայքարը շարունակելու հնարավորությունից։