Վրաստանի դատախազությունը քրեական հետապնդում է սկսել գործարար Վլադիմիր Ստեփանյանի նկատմամբ
Վրաստանի դատախազությունը քրեական հետապնդում է սկսել «Կրիստալ խմբի» սեփականատեր Վլադիմիր Ստեփանյանի նկատմամբ՝ ապօրինի ձեռնարկատիրական գործունեության և անօրինական եկամուտների լվացման փաստերով։ Նշված տեղեկատվությունը տարածում է ինքը՝ գերատեսչությունը, հայտնում է «Գրուզիա օնլայնը»։
«Վլադիմիր Ստեփանյանը, որը փաստացի ղեկավարում էր ձեռնարկության առօրյա գործունեությունը, կոպտորեն խախտել է ինչպես Բակուրիանիի գլխավոր հատակագծով սահմանված պայմանները, այնպես էլ համապատասխան ծառայություններից ստացված թույլտվությունների այլ պայմաններ, որից հետո փուլ առ փուլ օտարել է ապօրինի կառուցված բնակելի տարածքները։
Ստացված խոշոր միջոցներին օրինական տեսք հաղորդելու համար մեղադրյալը միջոցների մի մասը տեղադրել է «Բակուրիանի բիզնես խումբ» ՍՊԸ-ի բանկային հաշիվներում, իսկ մի մասը՝ փոխանցել անձնական սեփականությանը, որից հետո ձեռք է բերել ձեռնարկության, իր և իր հետ կապված անձանց անշարժ/շարժական գույք։
Նրան մեղադրանք է առաջադրվել Վրաստանի քրեական օրենսգրքի 192-րդ և 194-րդ հոդվածներով, նշված հանցագործության համար նախատեսված է մինչև 12 տարվա ազատազրկում։
Օրենքով սահմանված ժամկետներում դատախազությունը դատարան կդիմի՝ մեղադրյալի համար որպես խափանման միջոց կալանքն ընտրելու միջնորդությամբ»,- ասվում է գերատեսչության տեղեկատվության մեջ։
Քարից մինչև արձան. Գիտնականները առաջին անգամ ցույց են տվել Զատկի կղզում մոայիի ստեղծումը
Զորականում ուսանողին ծեծի ենթարկած դեռահասներն ազատության մեջ են
Մայր Աթոռի հայտարարությունը
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
54-ամյա Քրիստինա Օրբակայտեն լողազգեստով ցուցադրել է կազմվածքը
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Աշակերտները ծեծի են ենթարկել և նվաստացրել Նոյեմբերյանի պետական քոլեջում սովորող տղային. նրանք ձերբակ...
Ով մեզ հետ չի, առնվազն դավաճան է