«Նոան»՝ հայկական ակումբների շարքում առաջին հարկատուն է

Ֆուտբոլի Հայաստանի չեմպիոն եւ գավաթակիր «Նոան» 2024թ․ հունվարի 1-ից մինչև 2025թ․ սեպտեմբերի 30-ը պետական բյուջե է վճարել 804,585,000 ՀՀ դրամ՝ դառնալով Հայաստանի ֆուտբոլային ակումբների շարքում ամենամեծ հարկատուն, հաղորդում է ակումբի մամուլի ծառայությունը։

«Այս ցուցանիշը ևս մեկ անգամ վկայում է, որ մեր բոլորի համատեղ ջանքերով  ֆուտբոլի զարգացումը կբերի էլ ավելի ու ավելի մեծ տնտեսական արդյունք»,- նշվում է ակումբի հաղորդագրությունում։

Թիվը չի ներառում ենթակառուցվածքներին ուղղված ներդրումները և դրանց դիմաց վճարված հարկերը։