Թուրքիայի կենտրոնական բանկը փորձում է կասեցնել լիրայի արժեզրկումը և արտարժույթ է վաճառում

«Ֆորվարդային գործարքներն իրականացվում են արտարժույթի շուկայի հուսալի գործունեությունն ապահովելու, փոխարժեքների հնարավոր տատանումները կանխելու և արտարժույթի իրացվելիությունը կայունացնելու նպատակով»,- ասված է Կենտրոնական բանկի հաղորդագրության մեջ։

Reuters-ը՝ վկայակոչելով երեք բանկիրների, գրել է, որ չորեքշաբթի Կենտրոնական բանկը վաճառել է առնվազն 10 մլրդ դոլար արտարժույթ, ինչը, ըստ գործակալության, ռեկորդային ցուցանիշ է երկրում։

Նախօրեին Ստամբուլի ֆոնդային բորսայում BIST 100 ինդեքսն առուվաճառքի բացման ժամանակ նվազել է 6,87%-ով՝ հասնելով 10060 կետի։ Ահա թե ինչպես է շուկան արձագանքել Ստամբուլի ընդդիմադիր քաղաքապետ, երկրի նախագահի գլխավոր մրցակից Էքրեմ Իմամօղլուի ձերբակալման մասին լուրերին։

Սկզբում բորսայի ղեկավարությունը կասեցրել է բոլոր տեսակի առուվաճառքը, իսկ դրա վերսկսումից հետո ինդեքսը 4,6%-ով ցածր է եղել երեքշաբթի՝ մարտի 18-ի առևտրային նստաշրջանի փակման մակարդակից։

Ֆոնդային շուկայի հետ մեկտեղ անկում է գրանցել նաև թուրքական լիրան։ Դրա փոխարժեքը դոլարի նկատմամբ նվազել է 5%-ով։ 10-ամյա պետական ​​պարտատոմսերի եկամտաբերությունը նվազել է 175 բազիսային կետով՝ հասնելով 29,94%-ի։

Հիշեցնենք, որ Ստամբուլում իրավապահները լայնածավալ գործողություն են սկսել, ընդդիմադիր քաղաքապետ Էքրեմ Իմամօղլուին ձերբակալելու օրդեր Է տրվել։

«Ստամբուլի մայրաքաղաքի քաղաքապետարանում լայնածավալ կոռուպցիոն գործողություն է սկսվել։

Գործողության շրջանակում քաղաքապետ Էքրեմ Իմամօղլուի և մամուլի հետ կապերի գծով նրա խորհրդական Մուրադ Օնգունի ձերբակալության օրդեր է տրվել»,- ասվում է հրապարակման մեջ։

Ստամբուլի համալսարանը երկուշաբթի որոշում է կայացրել չեղյալ համարել Իմամօղլուի դիպլոմը երկրի գլխավոր դատախազության համապատասխան հարցումից հետո, ինչը խոչընդոտում է նրա առաջադրումը երկրի նախագահի պաշտոնում: