Անչելոտին շարունակում է ռեկորդներ սահմանել

Իսպանիայի առաջնության 5-րդ տուրում «Ռեալ Սոսիեդադի» նկատմամբ հաղթանակի (2:0) շնորհիվ Մադրիդի «Ռեալի» գլխավոր մարզիչ Կառլո Անչելոտին անձնական ռեկորդ է սահմանել։ 65-ամյա իտալացի մասնագետի ղեկավարությամբ Արքայական թիմը պարտություն չի կրել 32 անընդմեջ խաղում։

Նախորդ անգամ «Ռեալը» պարտվել է այս տարվա հունվարին Մադրիդի «Ատլետիկոյին» (2:4)։

Նախորդ ռեկորդը Անչելոտին եւս գրանցել էր «Ռեալում» 2013-2014 թվականների մրցաշրջանում, 31 անընդմեջ հանդիպում առանց պարտության։