Գեւորգ Ալեքսանյան․ Հայաստանի ոսկե մեդալը հետ ենք բերելու
Միջազգային ֆեդերացիան իր ցանկությամբ է բաշխում մեդալները։ Սա քաղաքականություն է եւ չնայած չեմ կարող ապացուցել, բայց նաեւ կոռուպցիա է։ Միջազգային ֆեդերացիայի պատասխան նամակը կանխատեսելի էր։
Այս մասին լրագրողների հետ զրույցում «Զվարթնոցում» ասաց հունահռոմեական ոճի ըմբշամարտի Հայաստանի հավաքականի մարզիչ, Արթուր Ալեքսանյանի անձնական մարզիչ եւ հայր Գեւորգ Ալեքսանյանը:
Օգոստոսի 12-ին Գեւորգ Ալեքսանյանը որդու եւ Հայաստանի թիմի հետ օլիմպիական մայրաքաղաքից վերադարձավ հայրենիք: Օլիմպիական մեդալակիրներին «Զվարթնոցում» դիմավորեցին մեծ շուքով:
«Միջազգային ֆեդերացիան իր ցանկությամբ է բաշխում մեդալները։ Սա քաղաքականություն է եւ չնայած չեմ կարող ապացուցել, բայց նաեւ կոռուպցիա է։
Այս բողոքարկումից հետո հաղթելու հնարավորության ամենաբարձր տոկոսն ունենք հիմա։ 99 տոկոսով մենք հաղթելու ենք այս անարդարության դեմ պայքարում։ Նախադեպը կա թե՛ Օլիմպիական խաղերում, թե՛ աշխարհի առաջնությունում, որ բողոք է ներկայացվել եւ երկու ոսկե մեդալ է տրվել։ Հայաստանի ոսկե մեդալը հետ ենք բերելու։
Միջազգային ֆեդերացիայի պատասխան նամակը կանխատեսելի էր։ Տեսե՞լ եք, որ միտումնավոր վատություն անողն ընդունի իր մեղքը։ Իրենք իրենց արածը հո չեն ընդունելու։ Նրանց գրավոր պատասխանը լրիվ սուտ է, հիմնավորումը չի համապատասխանում իրականությանը, օրենքներին։
Հաջորդը դիմելու ենք ՄՕԿ-ին։ Մենք գտել ենք երեք գոտեմարտ, որտեղ ճիշտ նույնությամբ գորգից դուրս վիճակ է եղել բողոքարկում է եղել, նույն գլխավոր մրցավարն է վերանայել եւ դրանցից երկուսում տվել ճիշտ միավոր, այլ ոչ Արթուրի դրվագի պես գորգից դուրս գտնվող մարզիկին: Սա ինչ է նշանակում, կողմնակալություն, մեր թիմի նկատմամբ հարձակում, մեր արդյունքների, քրտինքի ոչնչացում: Չի կարելի այսպես:
Ինչպես արդեն ասացի, նախադեպեր եղել են: Այսօր եթե մենք մենակ չմնանք՝ մարզիկ եւ մարզիչ, կամ ֆեդերացիա, հասնելու ենք դրական արդյունքի, ոսկե մեդալը Հայաստան վերադարձնելուն:
ՀԱՕԿ-ն արդեն բողոքարկումն արել է: Մեզանից պահանջել են տեսանյութով եւ լուսանկարով հիմնավորում: Այժմ պետք է հիմնավորենք մեր բողոքարկումը օրենքի կետերով եւ ուղարկենք նրանց: Եթե ՄՕԿ-ի կայացրած որոշումը մեզ չբավարարեց, կդիմենք սպորտային դատարան, որտեղ մեզ պետք է օգնեն սպորտային լավագույն իրավաբանները»,- ասաց Գեւորգ Ալեքսանյանը:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
Ռուբեն Վարդանյանի կինը մտադիր է կազմակերպել կանանց միջազգային մարդասիրական պատվիրակության այց Բաքու
Սուրեն Պապիկյանը Փարիզում մասնակցել է «Eurosatory 2026» միջազգային ցուցահանդեսի բացման պաշտոնական ար...
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
Հակակոռուպցիոն կոմիտեի նախագահը միջնորդություն է ներկայացրել նախարարություն
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Կապանում դեղնավուն անձրևաջրերի հոսքի դեպքով վարույթ է հարուցվել․ ԲԸՏՄ
Visa-ն իր անվտանգությունը հանձնում է արհեստական բանականությանը
Հաքան Ֆիդանը Մոսկվայում կքննարկի Ուկրաինայի, Սև ծովի և Հարավային Կովկասի հետ կապված հարցեր
Ա․ Մերանգուլյանի անվան ժողովրդական գործիքների վաստակավոր անսամբլի մարզային համերգները