Բայրամովը ՀՀ-ի հետ խաղաղության պայմանագրի պատրաստման մասին. հաշվի են առնվում հակառակ կողմի ակնկալիքները

Մենք աշխատում ենք փոխադարձ լուծման փոխադարձ ուղիների ուղղությամբ։ Ինչպես տեղեկացրել է APA-ն, այս մասին հայտնել է Ադրբեջանի արտաքին գործերի նախարար Ջեյհուն Բայրամովը ԵԱՀԿ գործող նախագահ Յան Բորգի հետ համատեղ մամուլի ասուլիսում։

«Բանակցային գործընթացի վերաբերյալ ասեմ, որ փետրվարից վերականգնվել են ինտենսիվ բանակցությունները։ Մինչ այդ տեղի էր ունենում փաստաթղթերի եւ պայմանների փոխանակում, բայց առերես հանդիպում չէր եղել։ Թեեւ գործընթացը շաունակվում էր Մյունխենում, Բեռլինում եւ Ալմաթիում հանդիպումներով։ Վերջին հանդիպման արդյունքներով մեծ քննարկում է իրականացվել։ Թեեւ չեմ ուզում մանրամասների մեջ խորանալ, բայց այդ բանակցությունները դրական եմ գնահատում»,- ասել է նա։

Ադրբեջանի արտաքին գործերի նախարարը նշել է, որ ակնկալիքները պետք է համապատասխան եւ իրատեսական լինեն. «Դա շատ բարդ եւ անհրաժեշտ գործընթաց է։ Խաղաղության պայմանագիրը պետք է լինի արդարացի, հենվի միջազգային իրավունքի, այն համաձայնագրի վրա, որը կբացառի այն պահերը, որոնք ապագայում կարող են նպաստել որեւէ վիճելի հարցի քննարկումը։ Անշուշտ, պետք է հաշվի առնվեն նաեւ հակառակ կողմի ակնկալիքները, մենք աշխատում ենք փոխադարձ լուծման փոխադարձ ուղիների ուղղությամբ։ Ալմաթիի բանակցությունները հերթական քայլն էին։ Մեծ, թե փոքր է այդ քայլը՝ կիմանանք միայն գործընթացի վերջում։ Բայց ասեմ, որ սա գործընթացի կարեւոր մասն է։ Այս մասին մենք հայտարարել ենք մամուլի ասուլիսում, որ կողմերը հասել են պայմանավորվածության բանակցությունները շարունակելու մասին։ Կարծում եմ, որ առաջիկայում մենք դրա վկաները կդառնանք»։