Երկրաշարժից տուժել է նաև Մալաթիայի Սուրբ Երրորդություն հայկական եկեղեցին
Մարաշում փետրվարի 6-ին տեղի ունեցած ուժգին երկրաշարժերի հետևանքով տուժել է նաև Մալաթիայում միակ կանգուն մնացած հայկական եկեղեցին՝ Սուրբ Երրորդությունը, որ հայտնի է նաև Երեք Խորան կամ Թաշխորան անուններով։ Այդ մասին, Akunq.net-ի փոխանցմամբ, հաղորդում են թուրքական լրատվամիջոցները։
Աղբյուրի համաձայն՝ Մալաթիա նահանգի Յեշիլյուրթ գավառի Չավուշօղլու թաղամասում գտնվող Սուրբ Երրորդություն եկեղեցին կառուցվել է 1893 թ․, այստեղ բնակված հայերի և ասորիների կողմից։ Հայկական համայնքին որոշ ժամանակ ծառայած եկեղեցին 1900-ական թվականներից սկսած այլևս չի օգտագործվել։ Եկեղեցու գմբեթը փլվել է 1970-ական թվականներին։
2013 թ․ սկսած Մալաթիայի հայկական համայնքի և տեղի քաղաքացիական հասարակական կազմակերպությունների ջանքերով եկեղեցին սկսել են վերականգնել։ Վերանորոգումն ավարտին է հասցվել 2021 թ․, և եկեղեցին վերաբացվել է արարողությունների համար։
Մարաշում այս տարվա փետրվարի 6-ին տեղի ունեցած ուժգին երկրաշարժերից հետո եկեղեցու պատերի վրա ճաքեր են գոյացել։ Պատկան մարմինները եկեղեցու շուրջ ժապավեն են կապել և արգելել մարդկանց մուտքը եկեղեցի։
Հիշեցնենք, որ Մալաթիայի Սուրբ Երրորդություն հայկական եկեղեցում 2021 թ․ օգոստոսին, 100-ամյա դադարից հետո, առաջին պատարագն էր մատուցվել, որին մասնակցել էր նաև Կ․Պոլսո հայոց պատրիարք Սահակ Մաշալյանը։ Եկեղեցին, սակայն, վերաբացվել էր որպես մշակույթի կենտրոն։ Այնուամենայնիվ, հայկական համայնքին թույլ էր տրվել այնտեղ մկրտության ու պսակադրության արարողություններ իրականացնել։ Բայց և այնպես թուրքական իշխանությունները եկեղեցու ցուցապաստառի վրա նշել էին եկեղեցու՝ միայն «մշակույթի կենտրոն» լինելու հանգամանքը։
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Ստոկհոլմի արբիտրաժային տրիբունալը բավարարել է Հայաստանի միջնորդությունը
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...