Պուտինն ու Էրդողանը քննարկել են ուկրաինական ճգնաժամը

Ռուսաստանի եւ Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը քննարկել են ուկրաինական ճգնաժամը։

Կրեմլը հաղորդում է, որ կողմերը Դոնբասի պաշտպանության հատուկ ռազմական գործողության անցկացման շուրջ իրավիճակի զարգացման տարբեր ասպեկտներ են քննարկել։ Վլադիմիր Պուտինը նաեւ Ռուսաստանի եւ Ուկրաինայի ներկայացուցիչների բանակցությունների ընթացքի մասին է տեղեկացրել։

Զրույցում հատուկ շեշտադրվել է մարդասիրական բաղադրիչը։ Ռեջեփ Թայիփ Էրդողանը երախտագիտություն է հայտնել Ուկրաինայի տարածքից Թուրքիայի քաղաքացիների տարհանմանը, ինչպես նաեւ Ազովի ծովի ռուսական նավահանգիստներից թուրքական բեռներով նավերի անվտանգ ելքին նպաստելու համար։

«Մանրամասն քննարկվեցին երկկողմ օրակարգի հարցերը։ Դրական գնահատական տրվեց Անթալիայում եւ Մոսկվայում ԱԳ նախարարների վերջին բանակցությունների արդյունքներին։ Փոխշահավետ առեւտրատնտեսական համագործակցության հետագա զարգացման, այդ թվում՝ էներգետիկայի ոլորտում ռազմավարական նախագծերի իրականացման տրամադրվածություն արտահայտվեց։ Պայմանավորվածություն ձեռք բերվեց շարունակել տարբեր մակարդակներով շփումները»,- ասվում է հաղորդագրության մեջ։