Շեֆիդ հուշիր, որ այլեւս փողով հոդված գրող չէ, պետության ղեկավարը պետք է զբաղվի գործակալներով. Ագնեսա Խամոյան
Վահագն Ալեքսանյանի դեռահասության սեփական «ես»-ի փնտրտուքը համընկել է երրորդ հանրապետության 10 ամենախաղաղ տարիների հետ, դրա համար է հիմա կլորացած աչքերով հարցնում, թե ինչպես կարող էր Քոչարյանը կանխել պատերազմը, ու մյուս կողմից՝ ինքն ու շեֆը ինձ եւ իմ գործընկերոջը անուղղակի մեղադրում Ադրբեջանի գործակալ լինելու մեջ։ Այս մասին իր ֆեյսբուքյան էջում գրել է ԱԺ «Հայաստան» խմբակցության պատգամավոր Ագնեսա Խամոյանը:
«Դեռահասությունն առհասարակ դժվար շրջան է համարվում մարդու կյանքում, թերեւս ամենաճգնաժամայինը։ ՔՊ-ական Վահագն Ալեքսանյանի դեպքում, ով իր դեռահասության շրջանը փորձել է հաղթահարել ՀՀ երկրորդ նախագահ Ռոբերտ Քոչարյանի կառավարման տարիներին, մի բան ակնհայտորեն այն չի ստացվել։ Երիտասարդը զարմացած է, թե ինչպես եմ պնդում, որ եթե Քոչարյանը լիներ նախագահ պատերազմ չէր լինի։
Դե հասկանալի է, Քոչարյանի նախագահության տարիներին դեռահասի հուզական ֆոնն ու անկառավարելի վարքը թույլ չեն տվել նրան նկատել, որ Արցախը մերն է, Հայաստանը՝ բարեկեցիկ է ու խաղաղ, զինվորներին հազարներով փակ դագաղներով չեն բերում, մի մասի աճյուններն էլ՝ տարբեր դիահերձարանների հատակներին չեն, որոշների մասունքներն այդպես էլ մնացին թշնամու գրաված տարածքներում, տղաները՝ հարյուրներով Բաքվի բանտերում չեն խոշտանգվում, Ալիեւն էլ աշխարհով մեկ չի հոխորտում ու ոտնատակ անում մեր ազգային արժանապատվությունը։
Վահագն Ալեքսանյանի դեռահասության սեփական «ես»-ի փնտրտուքը համընկել է երրորդ հանրապետության 10 ամենախաղաղ տարիների հետ, դրա համար է հիմա կլորացած աչքերով հարցնում, թե ինչպես կարող էր Քոչարյանը կանխել պատերազմը, ու մյուս կողմից՝ ինքն ու շեֆը ինձ եւ իմ գործընկերոջը անուղղակի մեղադրում Ադրբեջանի գործակալ լինելու մեջ։
ա. նախ, շեֆիդ հուշիր, որ այլեւս փողով հոդված գրող չէ, պետության ղեկավարը պետք է զբաղվի գործակալներով, առավել եւս եթե ունի տվյալներ։
բ. եթե վերջինս զբաղված է ստատուս գրելով, մարդկանց ֆեյսբուքյան էջերը ուսումնասիրելով, ապա ինչո՞ւ դու չես գնում մոտակա բաժին եւ հաղորդում տալիս։ Մանավանդ, որ ոչ բանակում եւ ոչ էլ ԲՀԿ-ում աշխատելու ժամանակ /ըստ օդում կախված լուրերի/ հաղորդում տալու խնդիր չես ունեցել։ Շտապի’ր, համ էլ ստաժը չի ընդհատվել։
Հ․Գ․ Ի դեպ, փորձը ցույց է տալիս, որ Վահագն Ալեքսանյանի դեպքում մեկին բուռն քննադատելուց, վիրավորելուց մինչեւ «մեծարգո» հատվածն ընկած է ընդամենը մի քանի տարի։ Ալեն Սիմոնյանի ականջը կանչի»,- գրել է նա։
Գարեգին Երկրորդի եղբոր կալանքը 2 ամսով երկարաձգվեց
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Պուտինը պատասխանել է Մելանյա Թրամփի նամակին
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Կլիմայական փոփոխությունների պատճառով` սպիտակ արջերը ավելի գեր եւ ավելի առողջ են դարձել