Խորհդարանը մերժեց ընդդիմության հեղինակած հայտարարության տեքստը` Հայաստանի և Ադրբեջանի շուրջ ստեղծված իրավիճակի վերաբերյալ
Խորհդարանը հերթական նիստում մերժեց ընդդիմության հեղինակած հայտարարության տեքստը` Հայաստանի և Ադրբեջանի շուրջ ստեղծված իրավիճակի վերաբերյալ: Հիշեցնենք, որ երեկ խորհրդարանում դռնփակ նիստ էր հրավիրվել սահմանային իրավիճակի վերաբերյալ, որից հետո էլ ընդդիմությունը կազմել է հայտարարության տեքստը, որով խորհրդարանը դատապարտում էր Ադրեջանի ու Թուրքիայի կողմից ահաբեկչական խմբավորումների ու վարձկանների ներգրավմամբ սեպտեմբերի 27-ից սկսված զինված ագրեսիան, նաև պատերազմի դադարեցումից հետո գերեվարված անձանց նկատմամբ միջազգային իրավունքի խախտումներն ու պատերազմական հանցագործությունները:
Հայտարարության տեքստում անդրադարձ կար նաև 2021թ․ մայիսից ՀՀ սուվերեն տարածք ներխուժած ադրբեջանական ստորաբաժանումների հարցին, ինչպես նաև պնդում, թե ՀՀ-ն ներկայացնող որևէ պաշտոնյա, այդ թվում` գործադիրի ղեկավարը չի կարող ոչ բանավոր, ոչ գրավոր կերպով տալ որևէ համաձայնություն, ինչը կարող է ոտնձգություն առաջացնել Հայաստանի սուվերեն տարածքի նկատմամբ:
«Քաղաքացիական պայմանագիր» խմբակցության ղեկավար Հայկ Կոնջորյանն ասաց, որ տեքստը ստացել են երեկ օրվա երկրորդ կեսին, հնարավորություն չեն ունեցել մասնակցել կազմման աշխատանքներին: Նրա խոսքով` տեքստում ներքաղաքական բովանդակություն ունեցող ձևակերպումներ կան, որոնց համամիտ չեն, ուստի չեն մասնացկի քվեարկությանը: Այսպիսով հայտարարության տեքստը 26 կողմ ձայնով չընդունվեց` չստանալով ընդունման համար անհրաժեշտ քվե:
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Հայտարարություն․ տարածքի անվտանգությամբ պայմանավորված՝ բեռնատարների մուտքը սահմանափակվում է