Գնդապետին հարցրի՝ ուզո՞ւմ եք թուրքը ձեր տիկնոջը բռնաբարի նոր հասկանաք, ասաց՝ սրան բերման ենթարկեք․ Փոստանջյան

Ոստիկանապետի տեղակալին, որը կոչումով գնդապետ էր, հարցրի՝ ուզո՞ւմ եք թուրքը ձեր տիկնոջը բռնաբարի նոր հասկանաք, թե ինչ է կատարվում, ինչից հետո ինքն ասաց՝ սրան բերման ենթարկեք։ Այս մասին այսօր՝ մայիսի 22-ին, լրագրողների հետ հանդիպմանը պատմեց փաստաբան, «Երկիր Ծիրանի» կուսակցության ղեկավար Զարուհի Փոստանջյանը՝ անդրադառնալով մայիսի 20-ի գիշերն իրեն բերման ենթարկելուն։

«Ազգային ժողովի մոտ իմ ներկայությունն առավելագույնը 10 րոպե է եղել, չեմ էլ հասցրել բողոք անել։ Մարդկանց առանց հիմքի, բռնի բերման էին ենթարկում։ Այնտեղ էր այդ գնդապետը և ևս մեկ տեղակալ, որն Իջևանի բարբառով էր խոսում։ Փաստորեն այդ պահին այնտեղ իր մտերիմներն էին, որոնք ապահովելու էին իր հայաթափման ծրագիրը։ Իմ ասածն իրական է։ Չկասկածեք, որ Տիգրանաշենում ապրելու են 50․000 թուրքեր։ Թող չկասկածեն, որ Տիգրանաշենի թուրքը Երևանում իրենց տիկնոջը բռնաբարելու է։ Այդ նույն թուրքն իրենց գլուխներն է կտրելու»,- ասաց նա։

Զարուհի Փոստանջյանը, ցույց տալով իր կապտուկները նշեց, որ իրենից խլել են հեռախոսը և քաշքշելով նստեցրել են ավտոմեքենան և տարել Քանաքեռ-Զեյթուն ոստիկանական բաժանմունք․ «Երեկ և առաջին օրը, քանի որ շոկի մեջ էի, ցավը չէի զգում։ Հիմա ամբողջ մարմինս այտուցված է»։

Փոստանջյանն ասաց, որ իրեն որոշ ժամանակ թողեցին բաժանմունքի միջանցքում, որն ամբողջությամբ հսկվում էր տեսախցիկներով։

«Ես պահանջեցի, որ ասեն, թե ինչ հիմքով են ինձ բերման ենթարկել։ Չստանալով պատասխան՝ ասացի, որ գնում եմ, և ինձ սկսեցին քաշքշել և սենյակ մցրեցին, որպեսզի չերևամ տեսախցիկների մոտ։ Ինձ տարան «Սիրեկանյան համայնքային ոստիկանության պետ» ցուցանակով աշխատասենյակ, որտեղ ինքը և ևս երկու հոգի, մեկը՝ ցածրահասակ, տասըկիլոանոց ճարպագնդով էր, մյուսը՝ թաթարական դիմագծերով անձ, որի վրայից շան հոտ էր փչում։ Ինձ բրդել են սեղանի վրա և ասել՝ մենք հեսա քեզ կպառկացնենք գետնին, կբռնաբարենք և կսպանենք»,- ընդգծեց Զարուհի Փոստանջյանը։

Զարուհի Փոստանջյանը նշեց, որ համապատասխան իրավական ընթացքով և հանրային պարսավանքով պատժելու է այդ մարդկանց․ «Այդ ժամանակ ձեզ ուղղված բ․-ի տղերք անվանումը ես շարունակում եմ պնդել, որովհետև դուք բոլորդ թուրքական լիրա ստացողներ եք և գործակալներ եք»։

Հիշեցնենք, որ մայիսի 20-ին ոստիկանները՝ ապօրինի ուժ կիրառելով, ապօրինի ազատությունից զրկելով, բերման են ենթարկել Զարուհի Փոստանջյանին՝ նրան պատճառելով մարմնական վնասվածքներ, ինչպես նաև բռնություն են կիրառել վերջինիս նկատմամբ։ Խախտվել է նաև Զ. Փոստանջյանի խոսքի և հավաքների ազատության իրավունքները: