Եվրախորհրդի ղեկավարը հայտարարել է, որ «վատ է քնել գիշերը»՝ Անկարայում աթոռների հետ կապված միջադեպի պատճառով
Եվրախորհրդի նախագահ Շառլ Միշելը տառապում է վատ գիշերներից այս շաբաթ Անկարայում կայացած հանդիպման ժամանակ աթոռների հետ կապված միջադեպի հետ պատճառով, հայտնել է նա Handelsblatt թերթին:
«Չեմ թաքցնում, որ գիշերը վատ եմ քնել, քանի որ այդ տեսարաններն անընդհատ կրկնվում են գլխումս»,- ասել է Միշելը գերմանական պարբերականին: Նա հավելել է, որ եթե հնարավոր լիներ, ապա կվերադառնար եւ ամեն ինչ կշտկեր:
Ավելի վաղ Անկարայում ԵՄ ինստիտուտների ղեկավարների եւ Թուրքիայի նախագահ Ռեջեփ Թայիփ Էրդողանի միջեւ պաշտոնական բանակցությունների ժամանակ Եվրահանձնաժողովի ղեկավար Ուրսուլա ֆոն դեր Լյայենն առանց աթոռ էր մնացել եւ ստիպված էր բավարարվել բազմոցով Էրդողանից եւ Միշելի կողմում, ովքեր զբաղեցրել էին արարողակարգային լուսանկարչության գոտում եղած երկու աթոռը:
Այս կապակցությամբ Եվրահանձնաժողովի ղեկավարը հանձնարարել էր իր թիմին անհրաժեշտ միջոցներ ձեռնարկել՝ միջազգային այցերի ընթացքում Անկարայում նախորդ օրը եղած իրավիճակի նման իրավիճակից խուսափելու համար, ասել է ԵՀ մամուլի խոսնակ Էրիկ Մամերը:
Դրանից հետո Թուրքիայի արտգործնախարար Մւվլութ Չավուշօղլուն անարդար էր անվանել աթոռների հետ կապված միջադեպի վերաբերյալ իր երկրի հասցեին հնչող մեղադրանքները: «Մենք չէինք ցանկանում որեւէ հայտարարություն անել այս թեմայի շուրջ, բայց տեսանք, որ դրսում դա արձագանք է առաջացրել եւ անարդար մեղադրանքներ են հայտնվել Թուրքիայի հասցեին: Մենք առաջին անգամը չենք, որ հյուրընկալում ենք օտարերկրյա հյուրերի, եւ թուրքական ավանդական հյուրընկալությունը հայտնի է ամբողջ աշխարհում: Այս հանդիպմանն ամեն ինչ համապատասխանում էր ընդունված միջազգային կանոններին եւ սովորական արարողակարգին: Ցանկացած հանդիպումից առաջ հավաքվում են երկու կողմերի արարողակարգի աշխատակիցները եւ մշակում են մանրամասները»,- Անկարայում լրագրողներին ասել է Չավուշօղլուն: Նա հավելել է, որ այդպես էր նաեւ այս անգամ: «Մենք բավարարել ենք բոլոր պահանջները, որոնք մեզ ներկայացրել են մյուս կողմից»,- ասել էր թուրք նախարարը:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Քեյթ Միդլթոնը բացահայտել է իր արտաքինի մասին զարմանալի գաղտնիք
«Միսս Անգլիա» մրցույթում առաջին բացահայտ նույնասեռական հաղթողը պատմել է, որ իրեն «ծաղրել են» իր սեռա...
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...