Վրաստանում ՀՀ երեք քաղաքացիների հինգ տարի ստրկության մեջ են պահել
Վրաստանի սահմանային ոստիկանության աշխատակիցները Նինոծմինդայի (Սամցխե-Ջավախքի շրջան) շրջանային դատախազության հետ համատեղ ձերբակալել են տեղի բնակիչներ ՝ հայր եւ որդու, մարդկանց թրաֆիքինգի մեղադրանքով, հաղորդում է «Նովոստի Գրուզիա»-ն:
Վրաստանի ՆԳՆ-ի հաղորդմամբ՝ քննության վարկածով մեղադրյալներ Բ.Ց.-ն եւ Մ.Ց.-ն 2015-2016 թվականներին Հայաստանի երեք քաղաքացիների լավ վարձատրվող աշխատանք են խոստացել, օգնել նրանց հավաքել անհրաժեշտ փաստաթղթերն ու Վրաստան տեղափոխել:
Ապա նրանց տարել են անասնապահական ֆերմա, որը գտնվել է Նինոծմինդայի գյուղերից մեկում, ինչից հետո ՀՀ քաղաքացիներին վերցրել են փաստաթղթերն ու սպառնացել հաշվեհարդար տեսնել, ստիպել են անվճար աշխատել:
Բացի այդ, մեղադրյալները տեսախցիկներով մշտապես հսկել են տղամարդկանց եւ շահագործել նրանց: Ոստիկանությանը հանցանքի մասին հայտնի է դարձել այն բանից հետո, երբ ՀՀ քաղաքացիներից մեկին հաջողվել է փախչել: Նա փորձել է ապօրինի հատել ՀՀ պետական սահմանը, որից հետո ձերբակալվել է սահմանապահների կողմից:
Քրեական գործ է հարուցվել Վրաստանի ՔՕ 143-րդ հոդվածի 3-րդ մասի «բ» եւ «դ» ենթակետերով՝ երկու կամ ավելի անձանց առեւտուր, որն իրականացվել է նախնական պայմանավորվածությամբ մի խումբ անձանց կողմից: Հանցանքը նախատեսում է 12-15 տարվա ազատազրկում:
Որ կանայք են հայտնվել ՔՊ ցուցակի առաջին 50 հորիզոնականներում
Քիմ Քարդաշյան, Դոնալդ Թրամփ․ ԱՄՆ գլխավոր դատախազը հրապարակել է այն հայտնիների ամբողջական ցուցակը, որ...
Նրա արարքը ուղղակի զզվելի էր․ Ֆաբիո Կապելո
Ձմեռային Օլիմպիական խաղեր. լեռնադահուկորդ Հարություն Հարությունյանի արդյունքը
Գարեգին Երկրորդ Կաթողիկոսի եղբոր և եղբորորդու խափանման միջոցը փոխվել է
Ֆուտբոլում նրան հավասարը չկա, նա ֆենոմեն է. Վինիսիուս
Մահացել է «Կնքահայրը» և «Ապոկալիպսիս hիմա» ֆիլմերի դերասան Ռոբերտ Դյուվալը
Էլեկտրաէներգիայի ընդհատումներ Երևանում և մարզերում
Սևանի ԲԿ-ն համալրվել է համակարգչային շերտագրման ժամանակակից սարքով
Բոլոր ճանապարհները բաց են